[فتحى عيسى]

الغرام مش كلام ...
يتقال كده والسلام ...
ولا صورة منقوشة ...
علي خد الأحلام ...
ولا نظرة دفيانة ...
حنية وهيام ...
ولا ضحكة تلم ضحكة ...
عطشانة تطير قوام ...
ولا همسة تجر همسة ...
خجلانة تقول كمان ...
الغرام ...
دنيا تانية ...
حبيتها الليالي ...
وعشقتها الأيام ...
هواها عطره سلطاني ...
من عود المسك ...
وطيب الريحان ...
بستانها رضا ...
ومودة وإنسجام ...
دايب في عروق الهنا ...
دوبان ...
روحها ...
بترد الروح ...
الغايبة من زمان ...
شوقها بيدندن بوح ...
وبيتنفس أنغام ...
الغرام ...
حالة إستثنائية ...
المقام ...
فتحي عيسي
وليدة اللحظة