منذ /02-02-2014, 05:10 PM
|
#1 |
| ميكرفونات(رباعية للمسابقه العاميه) ميكرفونات
ياواد هينتخبوا رئيس
اسكت خلي الشعب يعيش
جيب كم شاب من الشباب السيس
وهيعملوا اجمل تهييس
يلا ياواد اهي جات فرصه
خمسين جنيه كده قشطه
هو حد لاقي تمن مواصله
اسكت خلي الشعب يعيش
جا سيادته اهتف بصوت عالي
والي هيهتف سجايره علي حسابي
ويالي انت للذل غاوي
اهتف احسن من مفيش
وسيادته اودامه ميكرفونات
بيقول هنمي واطور والصحه بالذات
ولو في ظلم اتكلم مفيش سكات
وراح ادعم سعر الرغيف
اكل الشعب يعيني الطبخه
اصل سيادته ظبط الخطه
والي معاه اكلوا التورته
واتلمع باجمل ورنيش
وخطابه الاول كالاتي
نوم من الساعه سته يوماتي
وهينقص من مرتباتي
علشان صفقة الحشيش
وادي ياحسرة الشعب هيس
ومن الصدمه قاعد بيفيس
وسيادته قاعد بيكيس
والشعب لبس الطرابيش
وادي ياعيني اخترنا ريس
كان باين في الاول كويس
والي يفكر انه يغلس
في صدرة هتيجي رصاصه طيش
قدمت لكم رباعية السخرية السياسيه
اتمني ان تكون اقتربت من الواقع كثيرا
تحياتي اليكم ................
محمود ابوزيد |
|
| |