[جبل عالي]

إفهم بئا ... الحياة مهياش شوية أحلام متزوقة ولا حبة فرفشة وبت حلوة مدندشة ولا هياش دموع ولا أحزان متعتقة ساعات تبئا حلوة وساعات معفشة وساعات تبئا صوت كناري مزقزقة وكتير بتبقاااا غربان وبوم جوا قلوبنا معششة مهما تعمل فينا حياتنا مبعزقة والأحزان لما تربع وتقعد مترستقة متسيبناش إلا وشوشنا مكرمشة حالفة عمر ماتعدي لحظة مروقة فيها ناس بمال وجاه تلقاها مكوشة وفيها غلابه عايشينها بسيطة محندقة من الآخر بئا ... الحياة عايزة ناس متدقدقة ع الحلوة والمرة راضيين وان يوم شكيت يقولولك ياعم فكك وعيشها بدروشة جبل عالي