[العاشق الذى لم يتب]

مالش فى الطيب نصيب

حسيت إنى لى فى الطيب نصيب

وقلت ياواد هيكون ليك حبيب

يمسح دمعتك وخاطرك يطيب

يمدلك إيده فى الوقت الصعيب

من غير ماتقوله هات يجيب

يبتسملك نظرتك فيه ما تخيب

يستناك فى بعدك وجنبك قريب

يملا عليك دنيتك ماتحسش إنك غريب

تسعد معاه وتفرح وبأنسه قلبك يطيب

أتارى كنت بحلم بكابوس كئيب

وصحيت ودمعى جارى من كتر النحيب

وقلى عقلى ما أنت عارف إنى خريب

ليع تصدق قلبك بالأمر الرهيب

ما أنت عارف أنك مالكش فى الطيب نصيب