الأنفلونزا المصرية _ حصري _ الأنفلونزا المصرية ...
أعراضها متعدش ...
زي الرز ...
ف نهار أمشير ...
حصانتها متلدش ...
علي جيوب ...
الآنفيين ...
بتصيب بالجملة ...
لو إجتمع المصير ...
بتفرق شمل الأمة ...
وبتحرق الحاصدين ...
بتخلي المربوط ...
في ساقية الغالب ...
وبتسيب المظبوط ...
في سلم العايبين ...
الحر ...
في بحرها بيدوب ...
وبيختفي أثره ...
والفهمان ...
مش محسوب ...
لا ع الفقر ...
ولا ع الغنا ...
ولا عايش من أصله ...
والبلط ...
سمكة بتلعلط ...
حوالين الحوت ...
والجبله شرحه ...
الأنفلونزا المصرية ...
أعراضها متعدش ...
زي الرز ...
ف نهار أمشير ...
حصانتها متلدش ...
علي جيوب ...
الآنفيين ...
لا بتشفي ...
ولا بتموت ... فتحي عيسي
وليدة اللحظة
التعديل الأخير تم بواسطة فتحى عيسى ; 04-02-2014 الساعة 11:51 PM |