[a7med -3del]

مكنش ينفع طبعا ان عضوة زى نفرتيتى يكون عندها مولود جديد ومقدملهاش حاجة واباركلها والموضوع يعدى كده ؟ دى تبقى عيبة حتى على مااتذكر السبوع اليومين دول حد خد باله من اسم الموضوع طيب ومبروك مقصودة المهم التاخير ده ربنا يعلم انى اصلا مش بكتب والحالة مش رايقة اوى وبصرف النظر عن كل ده اللى حابب يباركلها بطريقتى دى او بطريقته الخاصة فى التوبيك هينور اكيد لازم نكتب ونباركلها مبروك يام محمد بالفرح جالك حتة منك .. تشبهك ملامحها فيكى مولود جديد بابتسامة حلوة منورة الدنيا فى عينيكى الاسم محمد يحفظه ربى ويخليه ليكى ويكبر زى ماتمنيتى وتشوفى فيه احلامك يفرح قلبك يطمنه وينورلك ايامك ويكونلك كل الدنيا وتكونى نور عينيه ابن حقيقى ومهما يكون ماتهونى ابدا عليه يشيل عنك ويدعيلك وفى عيدك يغنيلك ولما تكونى زعلانة يسيب الدنيا ويجيلك .. مبروك اول مرة اعملها على فكرة a7med adel