[أنين الليل]

طريق طويل
وسكك متلخبطه
وناس كتير
ماشيه ومتحيره
والدمعه على الخدين
نزله منوره
فى ناس ماشيه
والحزن ماليها
ساكن مُر الخوف
لياليها
ملهاش غير الدمع
فى عينها
همها بس حيطه
تداريها
ناس ماشيه وماليها
الهم
همها طال ولا يتلم
ملهاش غير الصبر
يعينها
وشويه فرح يداويها
احلام كتير
جواها مدمره
وذكريات قدام عيونها
متبعتره
وطريق مفروش بورد
اشواكه متسلطه
فى ناس الشر
مغمى عيونها
وناس الحقد حاضن
قولبها
وناس عشريه
وناس حشريه
وناس سيباها كدا
بظروفها
فى ناس تعابنه
ناس شقيانه
ناس ملامحها
كدا غلبانه
وناس مبسوطه
وناس زعلانه
وقلوبهم الله يعينها