منتديات بنات مصر - عرض مشاركة واحدة

فتحى عيسى · منذ /04-19-2014, 12:27 AM

معندناش سقف ...
ولا حيطان ولا بيبان ...
تلم المسكوب ...
تستر عرض اللي بان ...
وتعدل المقلوب ...
ترم عضم الآمان ...
وميزان القلوب ...
توهان في عروق الوشوش ...
حرمان بيبني بدل المحبة وحوش ...
طوفان من الوجع ...
ابتلع نهر النفوس ...
وجرف الودع ...
ناس بتكنس ناس ...
وناس علي ناس ...
بتدوس ...
وناس بتموت ...
من قهر الفقر ...
وشبع الجوع ...
وناس بتزرع هم ...
وبتحصد فلوس ...
وعجبي ...
علي قسمة الموكوس ...
فتحي عيسي
وليدة اللحظة