[جـــــراح المشــاعر]

بقالي كتير مكتبتش فقولت اكتب حروف جاية وحروف رايحة حروف ليها معاني كتير وواخدة مني الفرحة لمين هارب واروح علي فين ولية اوجاعي سكناني ما بين سطرين واسرح فين باحمالي واروح علي فين اضم الجرح من تاني واسيب احزاني توجعني وامسك عودي واغني اهااتي وسنيني والاقي دموعي تسبقني تغنيني لفين اهرب واروح علي فين يا مين يسرق شتات روحي يخبيها ويخفيني ف ريش الطير وبين وسادة الافراح يدفيني واهرب من الاهات فين ونحية اية يوديني اتوة مني بليل دربي واقابل وحشتة القاسية تكسر كل احلامي وتسرق حتي ايامي بقيت عاشق بقيت جراح بقيت قبطان وده المركب ولفين وخدانى يا موجة ما بين شطك وبين جذرك اروح منك لصوت عالي بيندهني ويلطمني برعد البحر يشوهني اروح للقاع القي المية مسكوبة علي وجعي طب اعمل ايه ؟؟؟ اغير جلد مش جلدي اقطع كل اوردتي اموت حلم جوايا اتوة مني برسمة قلب بكفوفي اموت نبته راح تكبر وازرع بالصخور جلدي وعاوزني قال اطرح ورد !!! للعاشقين واغنلهم واخبي الشوق ما بين صدري ونبضاتي وامد جذوري ياسمينة وافوح من كل اركاني رايح عنبر رياح ياسمين واسقيكم عذب نبعي وابقي الصبح والنسمة واهديكم غناء الاشعار واغني قال صباح الخير لكل الناس وحتي الجار دنا لسه يادوب بتهجي حروف اسمي وزي الطفل بيدور علي امه وتايه فين ما بين زحمة الدنيا امانه مرة يا عمري تواسيني تصبرني تقدرني علي الاحمال تعرفني مين خاين ومين جارح ومين منهم بيتمني اعيش وحدي ف غيط سارح مابين الخضرة والاشجار اقول حاضر وراح اكمل ولسة الناس تلف تدور وفاكرني يادوب لسه صدي عصفور ونسيو اني انا الجراح اداوي اهات واغني ما بين بكي وافراح واوهب ليهم ف حلم حنين وف التاني بكي لسنين فاكرين نسيت ودقة قبضتك جوة ما بين قلبي تدغدغني وزنقة قسوتك ليا تهد الحيل تململني انا عايش ولسه تاني ياما هاعيش وهما لسه قال فاكرين اني بقيت من المراحيم ونسيو ان ربي قال تجوز الرحمه للغايبين وللحاضرين ونسوني وقال ان البشر جنسي وقال انسي ان الفرح طبعي طب اهرب فين واتوة منكم كسرتوني وهديتو وجع افراحي للكلمة وامشي ف الحياة سواح يمكن القي يوم مهرب ياخدني ليا من نفسي انا هاهرب و باقي في الحساب ايام للي باع اللي خان واللي اشتري اهاتي عذاب وليكم بس فية رساله ومضمونها ومكتوبها ونصها المرسوم من خطي دمي تحياتي وليكم انا برسل تحياتى جراح المشاعر