[აα∂ Ԑγεა]

مباراه هادية في معظم اوقاتها مكانتش حماسية بالشكل الكبير
ولا كانت صعبه زي ما كان المفروض تكون ,

في بداية المباراه الزمالك عمل هجمات خطيرة كتير لكن ابو السعود تألق
في المرحلة دي حسيت انه هيكون الماتش صعب علي الزمالك
لانه كل ما بيتأخر الجون كل ما بتصعب المهمه والمنافس بيتكتل مكانه

لكن الحقيقة القناه كانت بعيده كل البعد وبلا اي هوية في الملعب ولا
وكان الزمالك بيعمل كل حاجة هو عايزها من غير اي صعوبات
وبعد ما سجل واتقدم كان فريق القناه مجرد بيلعب تأديه واجب وملهوش اي ملامح !

اريحية كبيرة في خط دفاع الزمالك اللي مكانش عليه اي ضغط كبير
مجرد هجمات عشوائية من الحين للاخر بيتم التعامل معاها ببساطة
علشان كده مش هحكم واقول تحسن او مش تحسن لانه مش اختبار حقيقي

اريحية كبيرة في الهجوم من الزمالك كذلك وبيعمل كل حاجة هو عايزيها
وبيوصل لمرمي القناه بكل الطرق الممكنه
لولا الانانيه في اوقات والرعونه في اوقات اخري كانت النتيجة هتكون اكبر بكتيييير
,

كنت في كلامي في المباريات السابقة للزمالك
في النقط السريعه بتكلم وبقول
@ محمد ابراهيم فعلا الملعب ملهوش طعم في عدم وجودك فيه يا حاوي !
# محمد ابراهيم من غيرك الفريق مش عارف يلعب كورة !
@ محمد ابراهيم وحشنا الملعب والفريق بوجودك , لا تخيب ظني !

بكل بساطة مخيبش ظني !
لاعب من طراز فريد وفي نظر امهر لاعب في مصر
بتعيبه الانانيه لكنه رائع في تعامله مع الكورة وبيقدر يعمل حلول محدش غيره يعملها
ف الوقت الحالي هو اللي بيقدر انه يتصرف وقت الحاجة للحلول الفردية
قدم مباراه كبيرة الحقيقة بعيدا عن اي انانية , اانا بستمتع لما الكورة تكون تحت رجله !
,
عمر جابر بحتار في امره الصراحة بحس انه لاعب ناشي لحد اللحظه
حتي لو جاب جون ف الحقيقة بتقول انه كان يقدر يجيب 4 اجوان لو اتصرف صح !
طلع بكذا انفراد ومع ذلك مش بيخلص الكورة السهله !
بينما الجون اللي حطه مكنش سهل وحطها بطريقة عاليه جدا !
,

النقط السريعه

@ غريبه انه القناه دي تهزم الاسماعيلي وبتروجيت ! وتاخد 8 ذهاب وعودة من الزمالك !
@ الدفاع لم يختبر الي حد كبير
@ مباراه بدون الرباعي نور , جعفر , سمير , هاني سعيد , كان حلم وبقي حقيقة :d
@ نور السيد لازم يقف مع نفسه ويشوف ازاي تدهور مستواه للدرجة دي
@ مؤمن وسط متقدم او وسط متاخر او صانع لعب او باك , في كل الحالات هتلاقي جودة !
@ احمد علي رغم عدم تسجيله عمل ماتش كبير وكان خطير جدا
@ مصطفي فتحي مع الوقت هيكون حاجة كبيرة جدا
@ محمد ابراهيم نكهه نادي الزمالك واي مباراه من دونه تفتقد المتعه !


المباره مش مقياس لشيئ لانه المنافس كان دون المستوي
المقياس الحقيقي هو المباراه اللي جايا قصاد المنافس المباشر ولا بديل عن الفوز !
عالعموم ثلاث نقاط مهمين وتعثرات المنافسين افادت الزمالك بشكل كبير جدا :]

تسلم ايديك للطرح والمجهود :]