منذ /05-13-2014, 11:38 PM
|
#1 |
مميز ابداعات الأعضاء الأدبيةالمفكر المميز
| أنا والكهرباء ... بقلمى / حسين حمدى أنا كلى متكهرب
واللمبة مطفية
ياريتها تتكهرب
وأشوف حواليا
والمروحة الكدابة
عمالة تتمايل
تلعب بأعصابى
أفرح وأقول هايل
الغالية زارتنى!
عدت وجابتلى
شحنات بتتمايل؟!
وأتارينى بتوهم
سارح على مسهم
ف إلكترون سايل
آه بس لو أطولك
كنت أخبطك سخان
أو حبتين تكييف
قوة تلاتة حصان
لحد ماتفرفر
تركع وتستغفر
لسه الجراب مليان
فواتيرى مدفوعة
والخدمة مقطوعة
لو ليكى شوق للتقل
خليكى مبلوعة
ياكهربا جاحدة
هوه أحنا ظالمينك؟!
سايبانا للوحدة
يحرق سكاكينك
|
| |