منذ /05-20-2014, 10:54 PM
|
#1 |
مبدعي المنتدى
| حكـاية بلـــــد في مختصـــر مدخل......
والحلم إتقتل في البلد
بلا دية بلا عزا
والقلب مليان صبر وجلد
لكنه من كتر الهم أتأذي
ظلموا الولد
وسقوه مرارة المر مُركزه
وتبقي حياتنا زحف ع البطون "وهكذا وهكذا" "نقول شعر"
وأدي "القصيدة"
يا صاحب الصُحبة
والصُحبة في جهنم
إزاي في عصر جنابكـ أجوع
شبعان "دموع وخضوع"
وأهتف وأقول
إني بفضلكـ بـ تنعم
من جواكـ بتقول
حلمي بس كرسي إللي
بيه فوق رقاب الضحايا أدوس
أرمي ع الأرض غِلي
من عرق الشقيانين "أحصد فلوس"
مصر طينها حِنة زي جنة "بس لأبليس"
علي راسه العرافين تـ بوس
قالوا شيطان وطايف علي البلد معزمها
معاه دجال بحبال الخوف ملجمها
بلاد ظالمة مين بالمال يتمنها
الجبان تديله وسام الشجاعة "يا دي القرف"
بلاد مليها المرض والعِلة
بتصنف الإنسان بالشرف
علي أساس المال والمِلة
لفوا الميدان بالصور
ورفعوا إسم الشيطان في البلاد المجاورة
لعنوا كل شاب مات وقالوا "مكنتش ثورة"
وكلمة الحق في بلدنا "عورة"
وكتير لبسوا ديول
وسحبوا الخيول "لمولانا"
وحطوا الضحايا لأبليس
وقالوا أتفضل دوس "يا مولانا"
قالهم حلمي بس كرسي إللي
بيه فوق رقاب الضحايا أدوس
أرمي ع الأرض غلي
من عرق الشقيانين "أحصد فلوس"
monaya |
|
|
|
| |