مش عارف مين مش عارف مين معايا ومين عليا
لو حد ضحكلي اعتبره بيضحك عليا
مبقتش عارف اصدق مين
في زمن كتروا فيه الكدابين
حتى الحقايق بقت سراب ف عنيا
اللي عامل بيحبني كداب
واللي بايعني اغلى الأحباب
واللي بتمناه عمره ف يوم ما يبقى ليا
ولا صاحب يتصاحب ولا حبيب يتحب
الخاين يتشال ع الراس والطيب يتسب
وعجبي عليك يا زمن وعجبي ع الدنيا ديا
مش عارف مين المظلوم ومين الظالم
هما الناس مش فاهمني ولا أنا مش فاهم
مبقتش بجامل ولا حتى عارف اتعامل بحسن نية
مش عارف ولا عايز اعرف حد
عايز افضل وحدي تعبت بجد
كتر التفكير ضيعني كتير بقيت محتاج اروح مستشفى امراض نفسية
زمن بيخلي العاقل يصبح مجنون
زمن بيخلي المخلص يغدر ويخون
مش عارف العيب في مين ومش عارف مين معايا ومين عليا
يارب رحمتك يارب
شــــــــــــــــــــــــــــــــــــــــــ . حـــــــــــــــــــــــــــــــــــــــــ
|