[აα∂ Ԑγεა]

اقتباس المشاركة الأصلية كتبت بواسطة عاشق متيم وهو ده العجيب فى الزمالك يعنى واحد زى فتح الله اول ما ميدو مسك وسياسه التدوير واستبعاده قلنا ده هيمشى من الزمالك ومستواه الضعيف وبعد كده بقى بيلعب اساسى واحد زى ياسر ابراهيم مدافع متهور من وجهه نظرى وبيعمل اخطاء غريبه ولسه محتاج خبره شويه ؛ وواحد زى صلاح سليمان وحماده طلبه انا غير معترف بيهم على الاطلاق عبدالواحد السيد مفروض يعتزل نهايه افريقيا او لو الزمالك وصل لكأس العالم مع ان ميدو بيقول مفروض يجدد سنتين بس انا ضد كده الحارس لما بيكبر بيكون رد فعله بطيىء للغايه واكبر خساره ان احمد الشناوى كان اعاره وابو جبل حارس لا يليق بالزمالك فالمفروض الزمالك يتعاقد مع حارس جيد وحارس التليفونات احمد مسعود مش علشان تألق فى مباراه يبقى حارس رائع وهو ده عينا فى مصر ====== نصف ملعب الزمالك من بعد تامر عبدالحميد انا ما شوفتش لاعب كويس لاعيبه كماله عدد فى الفريق سواء احمد توفيق او نور السيد !! ومحمد كوفى خساره كبيره ان الزمالك لم يتعاقد معه بس فلوس الخليج اهم ... العيب ان الزمالك بيجرى وراء مهاجمين وصناع لعب وناسى الدفاع رضا العزب راك رايت كويس -------- مباره مازيمبى ؛ ميدو بيحب يفنن كل شويه وبالرغم ان الزمالك ممكن يغير التشكيل بس هيتم اختراقه بسهوله جداااا وكمان هيتم التصويب من خارج المرمى زى مباراه فيتا لان اللاعب بيلاقى الطريق مفتوح امامه ومحدش بيقابل فبيسدد حتى لو مش بيعرف يسدد لو الزمالك لعب كرد فعل هيتغلب ؛ لازم تاخد المبادره وانت اللى تكون الفعل ---------- مازيمبى فريق ضعيف بس صعب على ارضه واعتقد انه لو اعتمد على سرعه حازم امام ومحمد ابراهيم هيكون له شكل والجماعيه مطلوبه جداااا والخطوط تقرب من بعضها مش الاقى مهاجم سواء جعفر او احمد على واقف فى الصندوق ومستنى الفرج المهاجم مفروض يقابل من نص ملعبه زى اوربا

تقريبا كل المدافعين اللي في الزمالك اي كلام علي الاطلاق
اميز بدرجة اكبر ياسر ابراهيم وصلاح سليمان بالاخص لان سنهم صغير
وقدامهم سنين طويلة علشان يكتسبوا خبرة ويتطوروا فيها ,,

انا مع رحيل فتح الله من النهاردة مش من نهايه الموسم والغريب عايزين يجددوله !!
اعتقد الافضل للزمالك انه يدي فرصة لشبابه ناصر ومتعب او التعاقد مع شوقي السعيد
,.

كذلك عبدالواحد السيد كفاية عليه كل السنين دي وله جزيل الشكر !
مش مع كلام ميدو ف استمراره وصدمني الحقيقة !
مسعود مش مجرد مباراه علي فكرة حارس جيد ومبشر بالخير طول الموسم
لكن لو هنتكلم في الاهم التعاقد مع الشناوي كان المفروض يكون اولوية اولي ,,
لكن المصري مأفور اوي في سعره وطالب عمر جابر وحازم امام !!

,,,

نص الملعب هو الكارثة الاكبر في الفريق في اخر السنين
وبالظبط كده تامر عبدالحميد كان اخر الرجال المحترمين في المركز دا !

تصدق بالله كانت اهم صفقة في نظري واللي كنت منتظرها جدا ومبسوط بيها
هيا التعاقد مع محمد كوفي !!
كانت بالنسبالي اهم اهم اهم صفقة في الفريق واكتر صفقة سوبر
بس شكلها للاسف " كانت " ,,

,,,,

للاسف معندناش حد يضغط ويديق مساحة التسديد او يعمل بلوك للكورة
نور السيد انا لا اعترف بيه كمتوسط ميدان لفريق بحجم الزمالك ,,

انك تكون الفعل صعب لو قصدك انك تضغط الخصم في نص ملعبه
ولو اني محبذ تماما للفكرة دي في اول 10 دقايق من كل شوط
لانك وقتها ممكن تستغل الارتباك وعدم التنظيم في انك تخطف جون حاسم ,,

الافضل بس عدم الانكماش وعدم اللعب بعلقية دفاعيه زي بداية فيتا
وانه يكون في عندك محمد ابراهيم وحازم امام في مركز صناع اللعب
تحت رأس حربة وحيد ( كان نفسي اقول نص راس حربة اوباما )
مع وجود عمر جابر في مركز الباك اليمين او تحويلها ل3 / 4 / 3 والاستغناء عنه

والله ممكن لكن مش هتوقع دا هتمناه بس :]