[رآقيہ بأخلاقـى]

كاان يا مكااان في سالف العصر والأوان ولا يحلي الكلام إلا بذكر النبي عليه الصلاة والسلام كاان فيه أرنوب جمييل خاالص عايش مع مامته وبابه في الغابة الكبيرة كان أسمه الأرنب أرنوبو كاان أرنوبو كل يوم يصحي من سريره زي الشاطر كدة ويسمع كلام مامته ويجري علي طول علي الحمام يغسل وشه وسنانه علشان تبقا جميلة ونظيفة وكمان بيتوضي علشان يصلي الصبح مع مامته وبباه ولما غسل سنانه ووشه راج جري عند مامته وبباه وفضلوا يصلي معاهم الصبح ركعتين وبعد لما صلي الصبح قال لمامته أرنوبو : ماما يا مامتي أنا جعاان أووي يا ماما ممكن لو سمحتي تحضرلنا الفطار مامه أرنوبو : حااضر يا أرنوب علشان إنت شااطر وقلت لماما " لو سمحتي " وراحت مامه أرنوبو علي المطبخ وخدت الخس والجزر من الثلاجة وغلستهم جاامد علشان تبقا نضيفة ومتجيبش أمراض وبعد كدة راحت حطت طبق الخس والجزر الجمييل علي السفرة بعد كدة راح أرنوب علي السفرة وشاف طبق الخس والجزر أرنوب : يووه يا ماما أنا زهقت من الخس والجزر كل يوك كل يوم بناكل الخس والجزر أنا زهقت بقا يا ماما وطعمهم وحش مامه أرنوبو : حراام كدة يا أرنوبو تقولي علي نعمة ربنا وحشة .. وبعدين الخس والجزر دة أكل الأرانب زينا كدة غلط يا أطفال نقول علي نعمه ربنا وحشه ربنا هياخدها مننا وبعد كدة خرج أرنوبو من بيته .. حزيين وزعلان علشان هو مش بيحب الخس والجزر وفي الطريق قابل الأسد ملك الغاابة سأله أرنوبو أرنوبو : أزيك يا ملك الغابة ؟ الأسد : الحمد لله أنا كويس يا أرنوبو أرنوبو : شوفت يا أسد أنا مش لاقي حاجه أكلها إنت بتاكل إيه يا أسد ؟ الأسد : أنا باكل لحمة يا أرنوبو .. خد حته كدة وأدا لأرنوبو حته لحمة كبيررة أرنوبو : لا شكراً يا أسد طعمها مش عاجبني وساب أرنوبو الأسد ملك الغابة وفي الطريق قابل الزرافة الطويييلة أرنوبو : إزيك يا زرافة يا جميلة ؟؟ الزرافة : الحمد لله يا أرنوبو أرنوبو : شوفتي يا زرافة أنا جعاان ومش لاقي حاجه أكلها إنتي بتاكلي إيه يا زرافة ؟ الزرافة : أنا باكل ورق الأشجار يا أرنوبو .. إتفضل وإداته ورقه شجرة كبيرررة أرنوبو : لا شكراً يا زرافة طعمها مش عااجبني وسابها ومشي وفي الطريق قابل الفيل الضخم أرنوبو : إزيك يا فيل عامل إيه ؟؟ الفيل : الحمد لله أنا كويس يا أرنوبو أرنوبو : شوفت يا فيل أنا جعااان أووي ومش لاقي حاجه أكلها إنتي بتأكل إيه يا فيل؟ الفيل : أنا باكل الفول السوداني يا أرنوبو إتفضل واحدة وإداله فول سوداني أرنوبو : لا شكراً يا فيل .. طعمها مش عاجبني ومش وسابه وفي الطريق قابل القرد البني أرنوبو : إزيك يا قرد عامله إيه ؟ القرد : الحمد لله أنا كويس يا أرنوبو أرنوبو : شوفت يا قرد أنا جعااان ومش لاقي حاجاه أكلها إنت بتاكل إيه يا قرد؟ القرد : أنا باكل الموز الأصفر اللذيذ إتفضل يا أرنوبو والقرد إدا لأرنوبو موزة صفرا كبيرة أرنوبو : لا شكراً يا قرد يا بني .. طعمها مش حلو وسابه وفضل أرنوبو مااااشي مااااشي ماااشي وبطنه بتوجعه أووووي علشان هو مفطرش لحد لما جرري للبيت بسرعة خااالص أرنوبو : ماما أنا حاكل الخس والجزر علشان أنا بطني وجعاني أووي مامه أرنوبو : ماشاي يا أرنوبو قول بسم الله الرحمن الرحيم ومن اليوم دة تتعلم إن متقولش علي نعمه ربنا وحشه أبداً لإما ربنا حيشيلها منك ومنتأمرش علي نعمه ربنا ونرضي بالأكل إللي بناكله وتوته توته خلصت الحدوته يارب تكون عجبتكم