[phalsteen]

مساء الخير يومك مبارك بفضل الله النهاردة هنفضفض مع بعض باحساس مختلف وكلمات من القلب عن احساسك وعينك مليانه دموع وقلبك بيموت من الخوف وفجـــــــأه تلاقي ايد طفل بتلمسك وتقولك تلعب معايا ساعتها تنسي بركان الهموم وصوتك بـــ الفرحه يقول : ســـــــبحانك يارب عن احساسك وانت زعلان من اقرب الناس ليك وساعدتك وسوسه شيطانك ببعدك عنه ومحاوله اكتر لقطع كل اللي بينكوا وفجــــأه تلاقي نظرة عتاب وكلمه آسف واحساس بالندم يخليك تقرب مــــنه وانت كلك أسف علي لحظه شكك وجنونك وتبص لنفسك بالندم وتقول استغر الله من الشيطان الرجيم ولا احساسك وانت خارج من البيت زعلان وكــــارة نفسك ومزعل كل اللي حواليك عشان الغدا مش عاجب ولا طلباتك متنفذتش وتلاقي واحد من صحابك يقابلك ومن كلامه معاه تعرف انه بيشتغل جنب الدراسه عشان يساعد نفسه واخواته ساعتها هتقول الحمد لله وترضي بالقليل اللي عندك اللي بالنسبة لغيرك كتير اوي ومش لاقيه يــــــــــاتري جربت احساس من دول ؟ عدا عليك موقف خلاك تحمد ربنا علي نعمه ماكنتش عارفها ولا مقدر وجودها ؟