[phalsteen]

مساء الخير من قبل بداية شهر رمضان الكريم واحنا بجمع همسات الاعضاء واحساسهم بالشهر الكريم اسرار وكلمات وافراح واماني كل دا في شوية همسات الدور النهاردة علي بنوته جميله مميزة في قسم الفضفضه تعالوا نشوف قالت ايه : حلم عمري مميزة لنشاط التحرير رمضان هو شهر الرحمة والمغفرة شهر السعادة والحب والنقاء والتقرب من ربنا في شهر رمضان بتحس ان البيوت محاطة بروح جميلة بتحس ان في امان القلوب صافية والناس بتحب بعضها بجد رمضان بالنسبة ليا اننا بنتجمع انا وماما واخواتي علي الفطار وبعدين نتجمع انا واصحابي ونروح نصلي التروايح في الجامع رمضان هو دعاء الشيخ اللي بيخليك تبكي من غير ما تحس رمضان لما كنا بنتسحر كلنا وبعدين بابا يصلي بينا الفجر جماعة باختصار كل حاجة حلوة هي رمضان يمكن رمضان السنة دي هيكون مختلف طبعا لان اهم شخص في حياتي مش موجود مش مستوعبة اني هقضي الشهر من غيره هيكون صعب عليا جداا الا اني بستني شهر رمضان عشان اقرب من ربنا اكتر واصلح حاجات كتير غلط عملتها كل سنة وانتم طيبين ورمضان كريم علينا وعليكم باذن الله ربنا يرحمه حببتي ويصبركم علي غيابه كل سنه وانتي طيبة انتظـــــــــــرونا مع سنابل مجروحه في رعاية المولي