السلام عليكم ورحمة الله وبركاته
ياجماعه فى حاجه شاغله بالى بخصوص انى اصلى التراويح فى الجامع
دلوقتى انا سمعت انى لو اخطأت فى الفاتحه تعتبر صلاتى خطا
وركزت فيها فى المصحف لقيت ان
آيه " بسم الله الرحمن الرحيم " مكتوب عليها رقم 1
يعنى تعتبر آيه من آيات الفاتحه
والشيخ اللى فى الجامع بيبدأ ب " الحمد لله رب العالمين "
يعنى مش بيقول " بسم الله الرحمن الرحيم "
فكده تعتبر صلاته خطأ ولا ايه ؟
وهل اللى بيصلوا وراه كلهم كده ..؟
ولما سمعت صلاة الجمعه فى التليفزيون لقيته جمعه بيقولها وجمعه مش بيقولها
هتقولولى صلاة المرأه فى بيتها افضل
""
عارفه والله بس هو بيدعى كتير فى الوتر وببقا نفسى اكون واقفه معاهم
هتقولولى صلى فى جامع تانى
""
مش هقدر لانه اقرب جامع عندنا وبابا مش هيوافق اروح بعييد
الله يخليكوا اللى يعرف يجاوبنى او يسال حد واااااثق فيه
لانى عايزه الحق التهجد كمان علشان ليلة القدر
وكل سنه وانتو طيبيين