[™Amiliya]

النهاردة في متابعة لخواطر اتكلم عن
هل كل ماتشتهي تشتري

وقفة صادقة مع النفس النهاردة خلاني فيها مع اني بسمعها في برامج وغيرو وغيرو
بس في لحظات بتقف فاجاة بدون تنبيه بيصحى جواك حاجة ويرن جواك جرس تنبيه

الموضوع مش سهل فعلا عندي وعند بنات كتير وهو اننا بنحب التسوق المستمر والغير متزن

ودي عادة ممكن ارجحها للمل والزهق والتغير المستمر للحياة الي بقيت بتمشي ع وتيرة واحدة واحساسنا ان الحاجة الي النهاردة مشتريتهاش مش هلاقيها تاني واحيانا بنشتري الحاجة وبيكون عندي نفسها بس ناسية اصلا انها عندي

السبب التاني الي ممكن تكون عند البعض الغيرة ازاي فلانة تشتري وانا لا

والسبب التالت المناسبات المتعددة والمحيط الاجتماعي الكثير الانتقاد بيخلي الواحدة تدمن الشراء بدون متاخد بالها

السبب الرابع وهو حب الشراء نفسه الموضوع بيدخل في المتعة الي بتؤدي للسعادة

وهناك اسباب خاصة بكل بنت عن التانية بصرف النظر عن الحالة المادية لكل وحدة لان الموضوع مش مرتبط بس بالحالة بالمادية

/

طب والحل خاصة انه موضوع يدايق وبيوقفك مع نفسك قدام مراية التبذير والاسراف المنهي عنه
هو له علاج بس ع المدى الطويل ومقاومة نفس وتدريبات معينة ع ازاي تتعلم تاخد الي محتاجه بس بدون زيادات وحسب الاحتياج
ومحتاج حاجة تانية وهي السيطرة ع النفس والتفكير لقدام ومراعاة الغير من الناس الي فعلا حواليا ومش لاقين لقمة او هدمة تسترهم من برد ولا حر

/

تحياتي للجميع