[™Amiliya]

المثل الاعلى

كلمة متداولة باستمرار وخاصة في البرامج المتلفزة وبرامج المنتديات وفي الجلسات
ودايما نقرا او نسمع ان المثل الاعلى بيكون اب او ام او اخ اكبر او معلم او عالم او اديب ... الخ
وفي ناس المثل الاعلى ليها الانبياء والصحابة

ونيجي لحقيقة الامر ان البعض منهم لا يمثل له المثل الاعلى الا مجرد اسم يقولو وبس لكن واخد منه كام في المية من صفات وخصال ( لا يوجد)
وخاصة الي مثلهم الاعلى الانبياء وبعض الصحابة

ونستغرب طب ازاي احنا عارفين معنى المثل الاعلى ومش واخدين منه حاجة؟

وهل لازم اخد من مثلي الاعلى حاجة؟ هل لازم اشبهه او اتشبه بيه واكون نسخة مصغرة منه ؟

طب لو مش لازم اخد منه يبقى الموضوع مش مثل اعلى يبقى اعجاب فقط بشخصية فلان من البشر

وفي نقطة تانية وهي ان مفهوم المثل الاعلى عندنا في الشرق مختلف عن الغرب
( حصل معايا مرة في فرنسا مع صديقة عندها 17 سنة مثقفة جدا كان مثلها الاعلى غاندي وكنت بسالها اشمعنى قالت حاجات كتير ومنها انه عرف ازاي يحارب بدون عنف وقالتلي شوفي الهنود الان واخدين اعلى المناصب في بريطانيا وفي معظم الدول بذكائهم عرف غاندي ازاي يشبعهم بفكرة الاحتلال الى الابد دا غير صفاته التواضع والتنزه عن الحياة بالاكتفاء الذاتي وان في حاجات اهم في الحياة لازم نبحث عنه وهي الحرية الادمية وسالتها )
وفي حوار مرة لينا سوا قلتلها ليه مش بابا او ماما هما مثلك الاعلى قالتلي انا بحبهم ويثق في تربيتهم ليا وفي كل الي زرعوه جوايا بس دا واجبهم نحيتي حاجة مسلم بيها وحبي ليهم مش هيخليني اشوفهم غير انهم كويسين

الغرب مهتمين اوي بمفهوم الحرية الحقيقي وهي الحرية الانسانية من عبودية الافكار والاجساد .... الخ مع ان في كل مكان هنلاقي العبودية المقنعة وليها دلالتها بشتى الطرق

ومع صديقة هنا دائما مثلها الاعلى هي ممتها وباباها ولما فتشت عن الاسباب بنفسي الصراحة لقيت ان الحب الي هي شيلاه ليهم هو السبب انها مش شايفة زيهم ع الارض وعادة دا الي بيحصل معانا في حب الوالدين

ومع مراهقة عندها 16 سنة قالتلي مثلها الاغلى ( الليدي غاغا)
طب اقول ايه بالزمة فيها؟

المثل الاعلى عند البعض داخل فيه العواطف والحب بيغمر التفكير وقتها خاصة لو سالت حد ع سهوة مين مثلك الاعلى هيرد باول حد خطر في بالو وغالبا بيكون الاب او الام او الجد

وع فكرة لو في ييوم اتسالت السؤال دا وحد منهم قاعد معاك وانت قلت اسم غير اسمهم هيزعلو لان الاباء والامهات شايفين دايما انهم المثل الاعلى لاولادهم

المثل الاعلى مهم في حياتنا لانه بيدينا خصال وصفات وسقل لشخصيتنا باقتناعنا الدائم وانبهارنا بتصرفات او افعال او معتقدات او افكار لفلان من البشر

مهم اوي تعرف انت هتختار مين يكون مثلك الاعلى وليه

قلي من مثلك الاعلى اخبرك من انت وكيف تفكر

لكن السؤال المهم
( هل انت او انا وغيرنا هيكونو مثل اعلى لحد في يوم من الايام ؟)

/

تحياتي للجميع