[phalsteen]

مـــــــساء الورد اهلا بيكم في حلقه جديدة من فضفضه مسروقه النهاردة بنشكر روني علي اختيارها المميز لشمس المنتدي وكمان لكلمات من اروع ما كتبت منه احنا كالعاة روحنا لمنه وعرفناها بالسرقه وهي وفقت وشرفتنا بالاجابه علي اسئله البراجرم تعالوا نشوف شمس المنتدي هتقولنا ايه دمعه حائره مساء الخير منه اهلا بيكي في فضفضه مسروقه اهلا بيكى سما وكل عام وانتى بخير عرفنا مؤخرا ان قسم الفضفضه الاقرب لمنه ودا شرف يحسب للقسم حببتي ياتري ايه اللي يميز القسم في نظرك ؟ اللى بيميزة انه اى مشكله بتطرح بتكون خاصه بالعضو وبتخلى باقى الاعضاء يشاركوه الحل ويقفوا جمبوا وده فى حد ذاته ميزة كبيره بتقرب الاعضاء من بعض وكمان فيه كتير مشاكل ممكن مش حابب يكلم فيه قرايبه او تخصهم وهم طرف فيها فبيكون الاقرب انه يحكيها هنا كمان ميزة الغير مسجل دى مهمه عشان الاحراج والخصوصيه لو منه قررت تفضفض هيكون الاقرب الورقه والقلم ولا لشخص قريب منها ؟ كنت زمان دايما اكتب فى ورقه واوقات اقطعها لكن اقرب حد دلوقتى اختى بحكيلها كل حاجه وهنا لوجى امته تقرري تفضفضي ؟ لما تكون المشكله اكبر من احتمالى وانى اسكت عليها وقتها بعبر عنها باى طريقه وغالبا بتكون الكتابه وبعدها ممكن اهدى شويه وابدأ احكى بتحبي تحتفظي باللي جواكي مهما كان ولا احيانا بتقرري تحكي وتشكي ؟ الاغلب انى بسكت لو حاجه تعدى مش مستاهله لانى مش من هواه الشكوى والكلام وقت زعلى روني اختارت كلماتك دي اقتباس إرحل متى تشاء إرحل متى تشاء ,,ولاتنتظر منى رجاء كن أنيقاً فى رحيلك واضحاً,,بدون إنزواء إبتعد كيفما شئت,, ولاتلتفت إلى الوراء لن أبكيك بعد اليوم,,لن تجد تلك الغبية البلهاء إرحل وخذ معك أكاذيبك وماتبقى من مكر,,ودهاء إجعل الرحيل هادئاً ,,راقياً بلا ضجر أو عناء فلن تختفى الشمس برحيك أو تهجر الطيور السماء إذهب أكثر,,وكفاك لوماً فقد سئمت الجدال,,والبقا خبىء كلماتك,, وأغلق روايتك,,وحيل الأذكياء إرحل متى تشاء فـ بيننا جبال من الحزن,,والكبرياء شيدها غرورك ,,وعنادك,, وتصرفات رعناء لنفترق اليوم قبل غداً,, ونكون للفراق من الأوفياء زدنى هجراً ,,وأغرقنى بُعداً بلا ملل أو إنتهاء وأنا سأبقى هنا أطفىء شموع الحنين كل مساء سأصنع من جراحى ألف ترياق,,ودواء وأخرس نبضات قلبى مهما زاد نحيبه ,,والبكاء إرحل متى تشاء وكن فى رحيلك ....كما النبلاء دمعه حائره بشكر رونى لاختيارها كلماتى لمــــــــــن الكلمات منـــــــــه ؟ كانت بالصدفه شوفت قصيدة لشاعره على الفيس وجاريت قلمها ببعض الابيات وبعدها كملتها لان الفكره عجبتنى الشموخ والرقى وقت الفراق بس كلماتى كانت اهدأ من كلماتها نوعا ما هى كانت بايعة القضيه اكتر وهل ما وجناه هنا كبرياء ام قسوة ؟ هو كبرياء نتيجة قسوة متكرره وقتها بيتخنق الحب ومافيش حل غير الفراق والحفاظ على الكرامة حتى لو باقى بعض منه يبقى زكرى جميله فقط بدون اقتراب امته يكون الرحيل مطلب ضروري ؟ لما التفاهم يموت والشك يدخل بين اتنين مافيش مجال للحفاظ على الحب ابدا ولما طرف يتعدى على الاخر ولايقدر مشاعره ويعامله باستهتار فطبيعى يكون الفراق مطلب ضرورى وازاي تتغلبي علي قسوة الرحيل لو جه بعدها الندم ؟ عن نفسي موضوع الرحيل ده نادر لما بوصله لانى بقدر اوى اى شخص فى حياتى وبلتمس ليه العزر ألف مره وببقى عليها كتير وبفتكرله دايما حاجات حلوة لكن لو لقيته مابيتغيرش وساعتها القرار بيكون بعد تفكير ماعتقدتش هايجى بعده ندم لكن ممكن حنين احساسك ايه لما قرأتي كلماتك ؟ بصي هو دايما اى خاطره بكتبها بعد مابتنزل بستغرب انى كتبتها وبحس ان حد تانى اللى كاتبها لانى اوقات بندمج اوى مع الحاله وبسيب قلمى يعبر براحته واوقات بيكون اقسي منى لكن لما بلاقى اعجاب الاعضاء بكون مبسوطه حطي نفسك مكان قارئ لكلماتك واكتبلنا رد لكلماتك ؟ مش مركزة حاليا فى الكتابه لكن لو كنت مجرد عضوة بشوف قصيده هايكون ردى مناسب ويجارى الحاله لانى اقتنعت بيها هتسرقلنا فضفضه مين ؟ ممكن من عند اسماء المراقبه العامه هاختار القصه دى تكلمنا عن الجزئين عموما ورق الحب 2 وياتري ليه ؟ بتعجبنى كتير مدونتها وفلسفتها واى موضوع بتكتبه بيكون ليه عمق ادبى والقصه دى خصوصا شدتنى ايه السؤال اللي هتوجهيه لصاحب الكلمات ؟ هل بتجيبى افكارك من مواقف عيشتيها ولاعموما بتسيبى خيالك يفكر وتكتبى ولاى مدى الكتابه بتأثر فى حياتك قولنا كلمه منك بما انك خلاص مسافرة بئه وهتوحشينا بجد حابه اقول انى بحب المنتدى ده جدا وبالنسبه ليا هو يعنى دمعه حائره بس اوقات الظروف بتكون اقوى من كل حاجه وواجبات لازم تكون مكان هوايتنا عشان مانحسش بالتقصير ونندم بعد كده هاتوحشونى جدا وهاكون مبسوطه لو فضلتم متمسكين بالمنتدى وروح الاخوة بينكم وتبطلوا خناقات لانها بتخسرنا كتير كل سنه وانتم طيبين فـــ رعاية الله ترجعلنا بالسلامه وبــــــــكدة بنشكر منه علي قبولها الدعوة وتشرفها الجميل واستنونا مع د/ اسماء جاري ارسال الدعوة