[phalsteen]

مســـــــاء الخير لكل واحد فينا ذكري جواه مهما كانت سعيدة بئه ولا حزينه المهم انه محتفظ بيها جواه و ربنا اراد واتعلم منها حاجة المهم انها سابت ذكري بنفتكرها ونحمد ربنا عملت حوار من اعضاء بنات مصر عشان اعرف اسرار الذكريات تـــــــــعالوا نشوف لما سألت قالوا ايــــــــــه : حلم عمري مميزة لنشاط التحرير الذكريات اللي عايشة جوايا دلوقتي كلها ذكريات بابا لما كان موجود معانا ولما كنت صغيرة ولما كنا بنلعب مع بعض ونتكلم واي حاجة كنا بنعملها مع بعض عمري ما نسيتها ولسة بفتكرها لحد دلوقتي كلها الحمد لله ذكريات سعيدة ولكن المحزن اللي فيه ان الشخص اللي شاركك مش موجود حاليا وبس ^^ احساسى صحيح من مبدعى المنتدى هى ذكرى وفاة شقيقى الله يرحمه لانى ظللت معاه قرابة العام يعالج من مرض ما وكنت اول مره اضع فى موقف صعب زى ده واكون مسؤل مسؤليه كبيره زى دى وكنت على وشك اتبرع له باحد الاعضاء لانقاذ حياته لكن ارادة الله سبقت كل شىء كل ما مر بى من خلال عام اتى فجأه بدون حسبان وموقف لم اتصور يوما ان اكون داخله توفى شقيقى بين يدى وهذا موقف لن يمحى من حياتى إلى ان يتوفانى الله أذار . عضوية التميز ذكرى وفاة جدتي رحمها الله كان موقف صعب و حادثه بتوجع الغريب في الامر اني لم ابكي الا بعد مرور سنه من وفاتها رغم الحزن الي كان جواتي . الله يرحمها و يغفر لها و يرحم جميع اموات المسلمين . boba0o عضوية التميز ذكريات كتير ثراحة ذكرىوفاة جدي ذكرى ذكرى وفاة جدتي دول ذكرى حزن ذكرى خروج واحد قريبنا من السجن بعد ماكان محبوس ظلم ذكري لقاء واحده صحبتي بعد غياب طال 3 سنين الأميرة رودي مشرفة صفحات مكشوفة ذكريات كتير في منها يخصني مع ماما ودى أهمها كانت صحبتي وأختى مكنتش بتعاملنى على انها أم وانا بنتها يمكن عشان انا كنت بنوته واحده فكنت واخده حيـز كبير ومساحه فى قلب أمي مساحه كبيره فعلا .... كمان ذكرياتي ف اايام الجامعه مع أجمل أصدقاء ذكرياتي معاهم مش بنساها قليل منهم اللى بنتقايل دالوقتى بس محتفظه عندي بكل شئ يخصهم Stop Ana Eltop مشرفة الشخصيات التاريخية الذكرى دى هى وفاة والدى اثرت عليا جاامد فو وقتها بانى خلاص فقدته مبقاش موجود يعنى وقت ما احب اقعد معاه مش هلاقيه وقت ماهيوحشنى مش هيبقى فى ايدى غير انى ادعيله بالرحمه واثرت عليا بعدها انى خلاص فقدت مصدر الامان بالنسبالى وقت ما حد يتكلم عن والده انا المفروض اسكت وابقى مجرد مستمعه الله يرحمه ويلحقنى به عما قريب ♥ ήóūя ♥ مشرفة قسـم الديكور احساس مؤلم جداً وقت ما شوفت بابا قدامى تعبان لا حول له ولا قوة مع انه كان راجل قوى شخصيتة قوية وصحته كويسه جداً بس المرض مالوش كبير كنت بتوجع واتألم كل يوم وانا بشوفه بالشكل ده ومش عارفة او قادرة اشيل عنه اى تعب او الم حاسس بيه كنت كل يوم بتقطع من جوايا وانا شايفه ان حالته كل يوم بتسوء عن اليوم اللى قبله لحد ما جه اليوم المشؤم اللى فرق بينى وبين اعز الناس واغلى حاجة فى حياة كل انسان ربنا يرحمه ويغفر له ويحسن مثواه ويجعله من أهل الجنه يـــــــارب حنان الجزائرية عضو ذهبي في حادثة صعبة كتير مرت عليا وانا في 6 من عمري بالرغم من ان الحادثة دي صارلها مدة بس مستحيل اني بنسى شو صار وهي قتل خالتي الله يرحمها من طرف سارقين وانا كنت متواجدة وشفت كل يلي صار و وراها مريت باوقات صعبة كتير في حياتي بس دلوقتي الحمد الله لكنني لما بفتكر بجد اتوجع كتير والله ينتقم في لي كان السبب بتمنالكوا كل خير ونقول الحمد لله واللي جاي اسعد وانت ايه الذكري اللي جواك ؟