[phalsteen]

مساء الخير


انا قولت اضحكوا وبالمرة اوريكوا ان في ناس تافهه لدرجه تخوف
سهل اوي يعملوا مشكله من ولا شئ
المهم يتخانقوا

من حوالي شهرين جات في منطقتنا عروسه جديدة
من محافظه تانية
لسه يدوب بتتعرف علينا
بس انها زميلتي في السن
فبقي بنا مجرد تعارف من يدوب رمضان

انا لو بصيت من بلكونه اوضتي
هشوفها واكملها عادي

النهاردة سمعت خبطت ورزع
وصويت
فقولت ايه دا العرايس بيتخانقوا
خت حمني وبصيت من البلكونه
اتاكد من عنهم ولا تحت

لاقتها بتقولي انا جايه يا سما
افتحيلي

ولاقتها بتعيط بئه
فقولت استر يارب

ولاقيت المشكله باختصار ان العروسه
لمحت الدبدوب الهديه بتاع الخطوبه
مع ابن اخته

فانستنتجت من كدة ان جوزها مبيحبهاش
وانها لازم تروح لماماتها بئه :d

انا ساعتها حطيت نفسي مكانها رغم ان المشكله تبان هايفه
بس تزعل البنات اوي
مش بس لانها بيعشقوا الدباديب والعرايس
لا لانها بتحتفظ بالوردة لو جات من حببها
فبتستني منه كدة
وطبعا جنس آم كله بيحي بالذنب لو بان حنين

اللي يحرق الدم بئه
انها عماله تتشال وتعيط ودمها محروق
ودا يضحك ويقولها هجبلك غيره

يعني كمان مش فاهم هيا زعلانه ليه ؟



بس ساعتها حمدت ربنا
وفهمت ان الرجاله كلهم جنس واحد
مفيش بينهم وبين الرومانسية عمار
واختنا لسه طالعه من فترة الخطوبه
وادامها فترة علي ما تفهم الفرق
اللي ما بين الخطوبة والجواز بئه