[الآمير العآشق]

. مرحبـــاا احلا اعضـــاآء . ومع تاني استضافه ف حلقاتي معكم و بنات مصر وفارس الاحلام . ل عضوه يشهد لها بالنشاط الاسطوري والبرامج والحلقات المتتاليه وتتمتع بالذكاء والحضور الجميل وحامله اكثر بنات المنتدي القابا . اكيد عرفتوو بتكلم عن ميـــــــن مع فيرجينيــا سيدة مصر الاولي وملكة جمال المنتدي . المشرفهـ المتالقهـ والمميزه . Nefertiti Nefertiti مشرفة قسم الفضفضة وهسيبكم تستمتعو مثلي مع اسرار سمــــا وفارس الاحلام . وهتكون تعليقاتي علي بعض الاجوبه باللون السماوي . . ــــ اول ادم في حياة كل بنت / العاده بيكون هو الاب وهوونااك بنات بيكون هو الاخ ! وممكن يكون شخص ااخر فمن هو اول ادم ف حياة سمـــا . بابا طبعا كان قريب مني جدا بس الله يرحمه كان اغلب الوقت مشغول عشان ظروف شغله بس هو كان ليا اب واخ كبير واول حب الله يرحمه ( البقاء لله ) . . ــــ ياتري وانتي طفلهـ فاكره من اول ولد او صبي او شاب او رجل لفت نظرك سواء من شكله او اسلوبه او طريقة كلامه او طريقة معاملته معك / وخلاك تحسي وقتها انو هوونااك فرق بين البنت والولد ! . وانا صغيرة كان ابن عمي اللي هو جوز اختي حاليا بالنسبة ليا اخ كبير كنت ومازلت بقتنع برأيه وبحب تفكيره حلال مشاكلي زي ما بيقولوا بعد كده بئه لاقيت اللي فرق ما بين الاعجاب والحب وما بين الصداقه والاحتواء اللي هو جوزي كان احترام واعجاب واتحول لصداقه وحب وبعدين ارتباط (ايه كحاية الاحتواء الي بسمعها كتير من البنات ) . . ــــ واحنا اطفال اتعودنا يكون عادي لعب الولد مع البنت بدون اي قيد او حتي مراقبه / ودا موش ف مصر بس لكن بردو في مجتمعات كتير من الدول العربيه كنا نلعب ولاد مع بنات وكل انواع اللعب امتي بدء بابا او ماما يوجهوك انك كبرتي و موش ينفع تلعبي مع الولاد وباي سن منعوك من اللعب مع الولاد . بدأت اشوف التحذيرات وكلمه مينفعش وخدي بالك وكدة لما روحت المدرسه لاني كنت متربيه انا واختي مع ولاد عمامي فعادي كنت دايما معاهم ومع صحابهم كمان وفي المرسه طبيعي كان عادي مكنش يفرق ولد من بنت كنا كلنا صحاب ماما كانت بتنصح وتسمع مش بتؤمر لاننا كنا صحاب يعني كنت بقولها وهيا بتسمعني وتنصحني اعمل ايه (كنتي بتحكي لماما وانتي لسه طفله عن الولاد ! تفتكرو سما كانت بتقول لمامتها ايه ) . . ــــ مع بداية انتسابنا واحنا اطفال للمدارس وقتها بيكون جوانا احساس ان احنا كبرنا ولنا اهميتنا وفي منا بيحس انو خلاص وصل لمرحلة احساس ومشاعر بالاخر / وخصوصا ان المدرسه بتكون ولاد وبنات وبدءت العلاقه تاخذ مجري اخر موش مجرد لعب اطفال يمكن بيدخلها تنافس للاشطر ياتري سمــا فاكره اسم اول ولد يلفت اعجابك بالمدرسه وايه الي لفت نظرك ؟ شكله او ضحكته او شطارته وذكاءه . اها فاكرة اســـــــامه من اولي ل سته وانا وهو صحاب وكنت معجبه بيه اوي عشان عينه كانت زرقا وكمان كان متفوق كنا صحاب وماما كانت عارفه اني بحبه وقتها بس لما كبرت عادي بئه بفتكر وبضحك (ياادي اسامه الي منتشر ف كل المدراس ) بس لما كبرت عادي بئه بفتكر وبضحك (لما بتفتكري اسامه بتضحكي حيني عليك يااسامه اكلوك لحم ورموك عضم ) . . ــــ ابن الجيران دي صفه ولقب التصق بكل بنت تقريبا واعجابها بابن الجيران / حاجات كتير بتخلي البنت بيكون اول اعجاب ل ولد في حياتها هو ابن الجيران من هو ابن الجيران ف حياه سمــا وياتري مازال موجود ابن الجيران هذا ف حياة سمــا ام انو صار مجرد قصه او ماضي وانتهي . لا انا جيراني كلهم كانوا الاصغر ياما بنات وكنا كعيله زمان في عمارة واحده فجيرانا الاغلب كانوا ولاد عمامبي واتربينا اننا اخوات فكان موضوع الحب والاعجاب دا صعب هنا ممرتش انا بموضوع ابن الجيران دا (جيرانك كانو كلهم بنات يدي الحلق للي بلا ودان ) . . ــــ امتي بدءت سمــا تسرح وهي قاعده تذاكر ف فارس الاحلام وفيه بنات تفضل ترسم قلوب وبنات تفضل ترسم ف مربعات ومكعبات / وبنات بتكون موش عارفه بتعمل ايه اهو تفضل تشخبط وخلاص ف الكتاب او الدفتر وهوونااك بنات بيكون فارس احلامها معلوم موش شخص مجهول ووقتها بتفضل تكتب وتزوق اسمه او اول حرف من اسمه انتي فاكره كنتي بتعملي ايه وقتها . حلوة الحركات دي بعملها من يوم ما حبيت ولما روحت الجامعه واتجوزت مبطلتش اعملها برضو اهو اتفرج ( وجالك قلب سما تحطي اسم احمد ف صفحه واحده مع اسم الملك نعرمر دا لو اسمو جالي ف المنام هيجيلي كابووس ) . . ــــ دايما بيكون فارس الاحلام ف خيال كل بنت وتفضل ترسم له صوره ف خيالها انو فارس او شخص نادر الوجود وبعدها ممكن تقابل فارس احلامها / ممكن يكون صوره من الشخص الي رسمته بخيالها وممكن يكون ابعد مايكون عن فارس احلامها الي كانت تتمني تشوفه بالحقيقه ياتري سمــا تقدر توصف لنا صوره هذا الفارس الي كان بيراود خيالها واحلامها وياتري قابلتي صوره هذا الفارس ام انو لسه مازال حلم يراود خيالك فقط . كان فارس احلامي ليه مواصفات خياليه ما انت عارف البنات بتحب تسرح بخيالها لما تاخد علي دماغها وارتبطت بانسان مالوش اي علاقه بالمواصفات دي لا وكمان عكس بعض وابسط حاجة في احلامي اللي باظت اني متجوزه اهلاوي متعصب وانا زملكاويه جدا الحب نصيب مالوش علاقه بالاحلام اتنين بيكملوا بعض حتي لو مختلفين وتفتكر هكون انا بالمثاليه اللي احمد شاف بيه فتاه احلامه بس الحب خلاه يشوفني كده الحب واقع مش حلم احنا اللي بايدنا نخلي فارس الاحلام علي ارض الواقع بنغير بعض او بنتغير لبعض (بيقولو الجوازا عامل زي البطيخ اما حمرا اهلاوي او قرعه زملكاوي وماشاء الله بطيختك طلعت حمرا ) . . ــــ السؤال الاخير ( اختياري وليس اجباري ) ياتري سمــا وجدت هوونا بالمنتدي فارس الاحلام الي كانت بتحلم تشوفه ــ وبدون ذكر اسامي او حتي وجدت هوونا صوره قريبه لفارس احلامها وهل عرفتيه ان هو فارس احلامك . ربنا يخلي فارس حياتي (ربنا يسعد ايامكم ) . . ميرسي للاستضافه ماجد حلو البراجرم بئه موفق اخي . يحلي ايامك سما نورتي الاستضافه بتواجدك واجوبتك الممتعه .