[mohamed hosny]

اقتباس المشاركة الأصلية كتبت بواسطة aya 7ekaya السلام عليكم ~ حكآيتى دى مش بحب أحكيهآ ، بس بمآ انها فضفضه علشآن ديمآ فى حآجآت بتكون وآقفه معآك على كلمة ، وبتنتهى مرحلة التمآسك بعدهى علشان تدخل فى مرحله الانهيار بدآية .. أنا عشت طفولتى بكل المعآنى ، الطفوله اللى مش موجوده دلوقتى ، كنت مدلله من الكل بلآ استثنآء وصلت لسن 13 سنه ، كان فى حآجة كده مميزة فى حيآتى يوسف ابن عمى ، شخص محبوب من كل العيله ، حد مش موجود فى الحيآة دلوقتى حاجآت كتير مافهمتش معناهآ غير دلوقتى ماعرفش ايه سر التعلق اللى كآن بينى وبين يوسف باعتبار انه مش ليه اخت بنت فـ كنت انآ البنت اللى كآن نفسه تكون أخته وقتهآ . حد يعنى أول مافتحت عينكـ فـ الدنيآ كآن جنبكـ ، حد كآن بيعمل كل حآجة علشآن يفرحك .. كل سنه اتعودنآ ان اسرتنآ واسرة عمى بناخد شقه على البحر نصيف فيهآ ، وبعد نجآح يوسف فى الثانوية العامه وظهر التنسيق بقبوله فى كليه الهندسه قررنآ نطلع المصيف بقاآ كنوع من المكآفأه .. وبعد مآ وصلنآ ألحيت عليهم انى انزل اشترى حآجآت من تحت وبمآ أن الكل كآن مشغول نزلت انا وابن عمى وأختى بس وقتهآ اتمنيت انى ماكنتش طلبت انزل علشآن كآنت نقطه تحول كبيرة فى حياتى كانت مشيئه ربنآ ان عربيه تخبط ابن عمى وقبل مايوصل المستشفى كآن فآرق الحيآة ، فقدت القدرة على النطق والكلام واستمرت الحآله دى عندى 6 شهور بتعالج فيهم فى جلسآت مخاطبه كل حآجة حصلت ده قدر ربنآ كآتبه ، وكل مصيبه بتحصلنآ أكيد بتكون اختبآر ولآزم نقول الحمد لله بس فقدآن حد كان مصدر فرحه فى حيآتك ده شىء كان صعب جدآ خصوصا لو مش حسيت بالحآجة دى غير بعد فقدآنهآ ديمآ كنت مؤمنه ان شخص زى يوسف مايستآهلش يعيش ف الدنيآ دى علشآن كده ربنآ اختاره ، وعندى يقين ان دى حقيقه ولحد دلوقتى بعد 6 سنين لسه حاسه انى السبب فـ كل ده ولسه بكرة أعدى على نفس الطريق ولسه بحلم بالمصيف بتاع زمآن ولسه وحشآنى الضحكه اللى مآتت .. ~

ادعيلو بالرحمه الله يرحمه
لان قلبك فى بركان حنيه بسم الله ما شاء الله
خليكى فاكره الموقف الجميله لانو اكيد هيكون فرحان بيها
معلش انا بقلك خليكى فاكره لانى قلبك بجد اكيد ربنا هيسمعو لانو صادق جداااااااااااااااااااااا
وانا معرفكيش بس الكلام بيدخل القلب على طول