[Aya 7ekaya]

السلام عليكم فى نآس كتير فاهمه الرجوله غلط يعنى مثلا فى راجل الرجوله من وجهه نظرة ان كلمته هى اللى تمشى بس فى البيت حتى لو رأيه غلط ماينفعش رأى زوجته اللى يمشى او حتى ماينفعش يعترف انه غلط وده مبدأ منتشر وحتى اننا بقينآ نتربى عليه (( الراجل ماينفعش حد يغلطه )) مع ان الشورى والتفاهم هو أصل العلاقه ، بيأدى للاستقرار .. فى ناس شايفه الرومانسيه أو اى كلمه حلوة بيقولهآ لزوجته اشياء تافهه وده بيادى لحياه ممله روتينيه عايشين علشان عمرنا لسه فاضل فيه بقيه ! مع ان الرسول ليه قصص كتير علمنآ فيه الرومانسيه والحب مع زوجاته ، وان ازاى الحنيه والتفاهم والتشاور عمرة ماكان ضعف ولا تقليل منك كرجل بالعكس ده بيزيد الاحترام .. فكرة التطآول بالضرب كعقاب للأسف بترتبط بمفهوم الرجوله عند شباب كتير يعن لما يضرب اخته او زوجته او بنته هو ده معنى القوامه من وجهه نظره مع ان الضرب شىء مكروه ومش مسموح باستخدامه غير فى أقصى الامور لما نستنفذ جميع الحلول والطرق .. (( الرجال قوامون على النساء )) (( النساء ناقصات عقل ودين )) اقوال بيلجأ ليها كتير من الرجال كمبرر للتقليل من المرأه لكنها فى النهايه بتدل على عدم الفهم ونقص العقل لان الدين عمره ماقلل من المراه لمآ أعطى القوامه للرجل علشان تكون المرأه مسؤله منه ، مش للتقليل من شانها ولو هنوصف الرجوله باختصار فـ هى مسؤليه فى المقآم الاول وان سقطت صفات الرجوله سقط معها المسمى لانه لم يعد له أى معنى