[™Amiliya]

ازي مزاجكم النهاردة مرتاحين ولا حد معكنن عليكم
لو مرتاحين يبقى الحمدلله ولو متعكننين من كهربا او مية او حد يبقى الحمدلله بردو

ايه رايكم في السيلفي ؟
هو فعلا انتشر اوي وبشكل فظيع في الاول كنت بتابع بصمت ومش مقربة منه خالص
بعد شوية والعدوة المستمرة في التصرفات مع البنات بديت اهتم بس لسة مدخلتش في مرحلة التقليد

بنات اخويا التوؤام خلود ووجود عندهم 16 سنة وموهومين بحاجة اسمها صور لو صباع ورام صوروه وشيروه
اي حاجة تتصور وتتشير وطبعا مجانين اعلانات والسيلفي دا حياتهم

جم عندنا في رمضان وبديت اتعرف عن قرب ع السيلفي بصراحة عجبني اهو اي لقطة جميلة بعد اخر
الحوار تتصور وكان في برنامج في رمضان اسمو دوت شباب بعد نهاية الحلقة ياخدو سيلفي

وبديت اتهبل واعمل الحركة دي لدرجة بعد كل فطار واحنا ماانتخين ع الكنبة اقولهم يلا سيلفي

وفي صباح حفلة شبكة اخويا وانا عند مراته خدنا سيلفي هي الصورة بتطلع حلوة

بس اكتشفت حاجة اني مبضحكش في الصورة السيلفي عكس لما حد يصورني

بلاقي صورتي اما تطلع مندهشة او عنيا عاملة حركة عجيبة

بديت استوعب حبة حبة

ولما سافرو بنات اخويا وبداو يبعتولي في صورهم ع الواتس اب من كتر مزهقوني وكرهوني فيه حذفت حسابي
دا غير الجروبات الي بضيفك عيلة واصحاب العمر ومعرفش ايه لقيت تلفوني فيه كمية صور مش طبيعية
ولا كاني مجلة رحت ريحت نفسي ومسحت الالبوم مع ان فيه شوية صور لزيزة
وقمت قاطعت
الواتس اب
والسيلفي

واحد سيلفي دلوقتي مع فنجاني هعتبرها اخر صورة

/

مساكم بيضحك خدو سيلفي متنسوش