[phalsteen]

مساء الخير محدش فينا يقدر ينكر اننا مجتمع ذكوري في كل حاجة نبدأ بالبيت والعيله والاسرة لو ربنا كرمه ببنات يفضل كل ما يبارك لحد علي مولود يرد عليه : ربنا يعوض عليك وكأن العوض ولاد بس لكن البنات شئ لا يذكر يفضل يعامل مراته ويحسسها بالذنب وكأنها اجرمت دا اذا مجوزش عليها غباء منه وكبرياء انها هيا المسؤله رغم انه علميا هو المسؤل معامله الاب والام متعليش صوتك انتي بنت وايه يعني لما يضربك مش اخوكي قومي اكلي اخوكي اكويله هدومه ناقص يقولك قوميه يشرب اصله البعيد عنه كساح ولما تكبري ويكبر اخوكي هو يحب بنات الناس عادي هو يكسر قلب دي ودي عادي هو يتصرف علي تعليمه حتي لو فاشل بدل الجنيه مليون عشان راجل وبعدين هيعمل لكن انتي لاء هتسمعي الكلام دا كتير اوي هو راجل دا ولي العهد اهو دا اللي هيعملك انتي هيجي واحد غريب ياخدك وتبقي ليه لكن دا هيفتح البيت دا غير اختلاف المعامله ما بين ولادك وولاده دول شايلين اسم العيله لكن ولادك اها بنحبهم بس متقارنيش لتزعلي واخيرا والمصيبه الكبري ومخالفه الشرع مفيش ميراث منسمحش راجل غريب ياخد فلوسنا وهتشوفي كتير من الظلم حول الموضوع دا ممكن تكون الصورة مش بالسواد اللي هنا بس الغالب هتلاقي حكاية من دول عشتيها او هتعشيها انا معرفتش الفرق ما بين بنت وولد الا لما بابا وماما ماتوا عرفتها بجد عرفت يعني ايه ليكي اخ كبير ودا حلمي المستحيل يعني ايه تتظلمي لمجرد انك بنت يعني ايه تتمني تبقي ولد عشان غلطك عادي والمجتمع بيغفره عشان الولد هيصرخ لكن البنت هتنضرب بسهوله دا الوضع البنت ضعف ذل انكسار مهما قويت فبتضحك علي نفسها فرق السن بيني وبين اخويا الوحيد 5 سنين فيهم امي عاشت واحنا بنتين كانت بتدعي ربنا ليل ونهار عشان يجيلها ولد عشان ببساطه مفيش بنات في العيله غيرنا ودا تفهموما اكيد لو عايش وسط الناس لو طايله تاكل لحمك مش هتتاخر لو جه اخويا غيرت اوي من نظرة بابا فسبه وخدني من ايدي وقالي شيليه علي رجلك وشوفت بابا وهو بيكبر في ودنه وبيقول الشهادة وساعتها ومن يوميها وانا عمري ما حسيت غير انه ابني وfبابا اللي مات قبل ما حتي ما يفرح بحلمه وهو بيكبر انا مبحبش البنات فعلا بكرهم بدمع لو حلمت اني جالي بنت بالنسبة ليا كابوس يارب مش عاوزة بنت