[™Amiliya]

مسائكم عطر برائحة القرنفل

لما بنتكلم عن الحب الف فكرة تيجي في بالنا والف موضوع قصص الحب لا تنتهي وكمان مواضيعه
هنلاقيه فيه الرومنسية والعذاب والفراق والضجر والتعب .... الخ

في حب في الله وحب لوصول لهدف معين
كل حب وله هدف اما رضا ربنا والاقتراب من عمل خير او حب لهدف الجواز والارتباط او حب لهدف التقرب من الاخرين

مفيش حب بيدخل جواك ويلخبطك الا حبك لحد

الحب دا عامل زي الكهربا تلسعك مرة وتجيب اخرك اما الكهربا تموتك ( بعد الشر ) او تدخلك غيبوبة حب

ولما تدخل الغيبوبة تبقى مش شايف اي حاجة في الي قدامك غير انه هو الحياة هو الاماكن هو الناس
هو النفس والهوا هو المجرة الي بدور حواليها عشان تعيش

بتستمر الغيبوبة اول سنة مش شايف تبدا تفتح عنيك حبة حبة تشوف عيب ورا التاني وتستمر الحالة معاك
اما انك تبدا تستوعب وتتقبلو زي ماهو تحت مبدا مفيش حد بدون عيب

او انك تبدا تتراجع وتفوق نفسك بسرعة عشان توقف الحب جواك وتتهدم عندك كل حاجة جميلة

او انك تدي نفسك فرصة لاعادة النظر مرة اخرى

الحب

مسالة صعبة اوي اوي سهل يقتحمك بس صعب تتخلص منه لانه بيتعملق جواك وجذورو بتمتد لكل حتة فيك
بيدمر كل اجهزتك الحسية ويبدلها باجهزة تانية سريعة التفاعل معاك

الدنيا في الحب مش وردي زي مجنا بنشوف في الافلام والاغاني ولا الحزن في الحب زي الاغاني والكلمات

الحب مادة خام عايزة صقل واعادة تصنيع جواك لازم تعرف وتتاكد ان الي اقتحمك دا هو يستحق انه يسكنك

لازم تتاكد انه سندك الحقيقي بعد الله وانه هو الي هيغير الكون معاك مش بيك ولا بيه لازم تتاكد ان الحب دا

هو اخر عمليات السطو ع قلبك

لان القلب لو كتر السطو عليه بيتحول لملاهي الي داخلها زي الي خارج منها

واجمل حب هو الي له نهاية مش سعيدة بس لا

له نهاية مستمرة بالبدايات الجديدة

ومن اجمل الهداية في الحب ( الدعاء)

تهادو الحب بالدعاء غيبا

/

تحياتي ليكم بحب مشرق كالشمس

:

ايمليا الجنزوري