[محمود الصاروخ]

أعضاء و مشرفين و ادارة بنات مصر

اجدع ناس لان بصراحه كده هما اللى لما بحتاج حاجه وبسال اى حد عمره ما بيتأخر عنى
ومش معايا انا بس مع كل الناس و كلهم اخوات بجد ودى اكتر حاجه عجبتنى هنا
وكمان لما اموت هما اللى هيترحمو عليا يمكن كمان اكتر من ناس كتير
اعرفها على ارض الواقع هنا و اكتر من ناس صحابى كتير

أعضاء و مشرفين و ادارة بنات مصر

هما اغلى ناس عندى و هما صحابى و اخواتى و كل حاجه ليا بعد امى و اختى
و هما كمان اللى هينزلو صورتى ف يوم من الايام و هيكتبو عليا الله يرحمك


فى ناس بجد منعرفش قيمتهم غير لما بيضيعوا مننا أو يبعدو عننا
بس احنا بشر و لازم كلنا نغلط وياريت بجد ميكونش حد زعلان منى
و يسامحنى و يدعيلى بجد

و لما اموت ان شاء الله هبقى سعيد جدا لان ممكن أقابل ناس كنت أتمنى أقابلهم
فى الدنياا بس يارب أكون من أهل الجنه . ربنا وحده اللى يعلم ان انا غلطت كتير بس عندى نية التوبه ف يارب تقبل منى توبتى

الناس اللى وعدتهم ف يوم ان عمرى ما هسيبهم

هي دى الكلمه الوحيده اللى ممكن أكون مش راجل فيها لان القدر بيجي ف أى وقت
وف أى مكان ف يارب توفنى وانت راضى عنى

أمين يارب

و لـ كل واحد اختلفت معاه سواء ف الكوره او ف السياسه أو ف أى حاجه و إتكلمت
ب أسلوب عصبى ده بجد عمره ما كان بمزاجى ده بيكون غصب عنى لان انا دايما
بتعصب للمبدأ اللى انا مقتنع بيه و ف الاخر كلكم اخواتى اللى عمرى ما اقدر
استغنى عنكم


أخر حاجه انا عمرى ما غلطت ف حد مات ولا جيبت سيرة حد مات بالغلط
انا كل الموضوع ان انا مختلف مع الاخوان فى الفكر مش اكتر
واقسم بالله اقسم بالله اجدع و اطيب ناس شوفتهم من يوم ما فتحت نت
هما الناس اللى هنا و هما كمان اللى علمونى يعنى ايه احب اخويا و يعنى ايه اخاف عليه
وعلمونى كمان ان ادور ف اى حاجه و افهم جيت منين مش ماشى ب البركه وخلاص

انتوا اخواتى بجد و اتعلمت معاكم حاجات كتير اوى


ف ياريت أى حد زعلان منى يسامحنى و يدعيلى لو حصلى أى حاجه
مش هتخسرو حاجه يعنى لو دعتولى و لكل الناس فى الصلاة كده أو بعد الصلاة
و اتمنى ان كلنا نتغير و نقدر رأى كل واحد و نختلف معاه من غير غلط أو تجريح
ف حد و نسامح بعض واكيد كلنا عارفين ان ف حاجات كتير بتعصب بس
المسامح كريم

ربى اغفرلى و ارحمنى و توفنى وانت راضى عنى
ربى ان اشهد على نفسى انى كنت من العاصيين
فاغفرلى فأنه لا يغفر الذنوب الا انت

سبحانك اللهم و بحمدك أستغفرلك و اتوب اليك


خالص حبى
محمود الصاروخ