خرجت الصبح اشتري طلبات للبيت
وانا في السوبر ماركت
قابلني طفل صغير
كان متابعني وبيبص علي ابني
فقربت منه وسألته هو هنا لوحده ولا مع حد
طلب مني يبوس ابني
فنزلت ايدي وسألته بتحب الاطفال قالي اه بحبهم اوي
جبتله شكولاه
بما ان اغلب الاطفال بيحبوها
وطلبت منها ياخدوها
رفض بشده اوي
فغصبت عليه وصممت ياخدها
فقالي
انا عندي سرطان
ومش بيرضوا ان اكل الحاجات دي
وماما هتضربني
فدمعت وبجد وقتها كان نفسي احضنه اوي
وفوقت علي صوت ماماته بتكلمني
عشان تاخده وتمشي
ومن الصبح لدلوقتي وانا بفكر في الطفل دا
وهموت واشوفه تاني
بس معرفش اي حاجة عنه
حتي اسمه
قلبي وجعني
ودعيت ان ربنا يشفيه
ويكتبلي اني اشوفه تاني