الحل الاول
وكان للعضوة
وأنا هرد على الكلام دا بصراحة
لأن اللي عايز يحل مشكلته لازم يناقشها بواقعية ..
حضرتك بتقول ان مشكلتك ان مش بتعرف تبعد عن النساء
على الرغم من التزام حضرتك بأركان الدين
أفهم من جملة التزام ان حضرتك ملتزم بالصلاة
وأفهم كمان ان صلاة صحيحة القلب حاضر فيها = معرفة الله
ومعرفة الله يعني الأخلاق بتُهذَّب والرغبات بترتقي للقيم الإنسانية
لو دا مش اتحقق يبئا عباداتنا غلط ومجرد تصرفات بنعملها لكن مش بتقربنا من الله ولا بنستشعرها
أنا مابعرف حضرتك ومش بحكم عليك
بس دام العبادات دي مش بتمنحك الاعتدال يبئا حضرتك مش ملتزم زي ماحضرتك بتظن
يبئا هي مش مشكلة واحدة ومجرد ظن حضرتك انها مشكلة واحدة فدي مشكلة بحد ذاتها
لأن دا معناه ان حضرتك شايف عباداتك كبيرة ودا كفيل انه يصغرها
مش هقول لحضرتك شوف اللي ترضاه لنفسك واللي مش ترضاه وتعامل بنفس الطريقة مع غيرك
ومش هقول لحضرتك ان الميل للجنس التاني طبيعي بس لازم يكون باعتدال
ولا ان الفرق بيننا وبين باقي المخلوقات ان الله كرم الإنسان بالعقل والاختيار فهو بيقدر يرتقي برغباته للقيم الإنسانية
اللي شايفه انه لازم أنصح حضرتك فيه ان حضرتك تستوعب مبدئيا ان دايما عباداتنا قليلة
فمش تعتبر كل حاجه عند حضرتك تمام ماعدا دا
عشان تقدر بجد توصل لدرجة أكثر قربا من الله في العبادة
وحتى لو حضرتك مش العابد الزاهد المجتهد فيكفي ان جواك يعرف الله
معرفة الله مش مجرد العبادة وانما انها تكون صلة بيننا وبينه
ان نقدر نستوعب ان فينا نفخة من الله فلازم نكون بقدسية الإنسانية
توصل لدا ازاي ؟
اسمع الناس الي فاهمة الدين وبتتعرف على الله مش اللي حافظة دين وبتسمَّع
لما بنوصل لمعرفة الله حتى واحنا عُصاة بنعرف نرجع وبنعرف نفكر نفسنا بقدسية الإنسانية
بنعرف نتعامل مع أنفسنا بإرتقاء
وحضرتك تذكر انه مش فارق حضرتك من نسب النبي عليه الصلاة والسلام ولا لاء
أبو لهب عم الرسول ودا مش عمل أي فرق ..
أنا كلامي مش حكم على حضرتك لكن هو نصيحة ليا أنا كمان
لأني مش الشخص الأقرب من الله ولا الشخص العابد
الله يهديني ويهدي حضرتك والجميع لمعرفته ..
يــــــــ تبع