يارب يا رب انا موش هاعترض ع قضاءك وقدرك
ولاعمرى ف يوم بينت انى مدايقه
يمكن بزهق شويه او بحس بملل
لكن ابدا م اعترضش
وبحمدك ع الحلو والوحش
وعارفه انك بتحب العبد الصبور الل بيقربلك بالدعاء
انا راضيه اهو وكل اختبار بتحطنى فيه بقوى نفسي وبستحمل
بس يارب ادينى الصبر والاحتمال وثبت قلبى ع طاعتك
وماتحملنيش فوق طاقتى انت الل عالم بحالى
موش انت اقربلى من نفسي واهلى
طيب يارب لو تعب ف جسمى هاستحمل
لكن ف حبايبى غصب عنى بعيط
او حتة من جسمى راحت هارضي
بس حد م الل بحبو بنهار
يارب الفراق وحش مع انو راحة سعات
يارب متخلنيش افقد غالى ولا اتحرم منو وهو عايش
وانا يارب عل عهدى موش هاغضبك ولا انشغل عن طاعتك
انا ان كونت بنشغل بنفسي ولا بقعد معاها كتير
ده لان سعات طاقتى واحتمالى بيقلوا غصب عنى
يارب اغفرلى وارحمنى وخفف عنى الل انا فيه
ادعولى
|