[™Amiliya]

مسائكم عطر

في البدايات تبدا العلاقات طيبة وبكامل الاحترام ونظن ان من دخلو حياتنا هيفضلو حلوين لاخر الطريق
وقد متتفقو معاهم ع ان في النهاية لازم يفضل الاحترام موجود الا انهم بيخدعوك بكلمة

اكيد

وتمشي الحياة وتكمل الطرق وفاجاة يوقف الطريق بينكم مفيش مجال انك تكمل مع فلان او فلانة

برغم كل الحب الي جواك ليهم بس الافضل تسيبهم لان لو كملت اكيدهتوصل للـ كره
ويتحول كل الحب الي جواك لكره مش متوقعو لدرجة انك ممكن تتمنالو الموت ودي اقصى درجات الكره لبني ادم

في ناس بتتفن في تجريح احساسك ومشاعرك ومهما اديت فرصة واتنين وعشرة تلاقيهم زي ماهو
لا مجال للتصليح ممكن طبع وممكن استهتار بمشاعرك او انهم ضمنو انك هتسامح وتغفر فيدوسو عليك اكتر
بلا رحمة

لما تفوق وتكتشف انك بضيع وقتك مع حد مبيحافظش عليك وشايف انه مبيعملش غلط في حقك
ولما تواجه يعترف انه غلط فيك بس عايز فرصة

طب ومجموعة الفرص الي فاتت فين ضيعتها؟

لكل حاجة حدود حتى الغفران والتسامح والتساهل في بعض الامور لكن كتير مننا مش بياخد بالو
ان كل حاجة وليها قدرة

ممكن يكون خطاك الاول هو الاخير في علاقتك
لكن امتى تقف وتحاسب نفسك وتشوف بتعمل ايه في غيرك وليه بتعمل كدا وهتوصل لايه

في الحب والصداقة الامر سيان

لو مش قادر تحافظ ع الاصدقاء وع الحبيب والحبيبة الافضل وبكل زوء وشياكة واخلاق انك تعتزر وتسيبهم
ع الاقل تسيب عندو حاجة كويسة ليك

في ناس انت تقرر تسيبهم في حالهم وتمشي من حياتهم عشان تحتفظ بحاجة ليهم عندك
لكن مع الاسف بيصرو يخلوك تكره يوم عرفتهم فيه وتدعي من قلبك عليهم لانهم جروحوك بكل جبروت
وجايين يمحو كل دا بكلمة اسف بعتذر اني عملت كذا؟
ورغم الاعتذار الا ان الافعال مازالت مستمرة وهو بيعتذرلك افعالو مستمرة بيغلط اكتر واكتر

يالله

لو الناس تفهم بس ان الاشياء الحقيقية في حياتنا قليلة لحافظو علينا من الضياع من ايدهم

وبدل منقولهم انتو اتعودتو ع الخسارة

يسالو نفسهم الاول هو خسر ايه قبل خسر ناس محفظتش عليه فـ بتالي انا محفظتش عليه فخسرته

الحكاية مش تعود خسارة ولا عيب فيك كلنا فينا عيوب بس في عيوب نتحملها وعيوب لازم نوقفها

وعيوب البعض عايزة الستر دا لو في اخلاقنا مبدا الستر

/

الفضضة دي خلاصة لموقف اتمنيت ميحصلش بس مع الاسف حصل