[Lamees]

مساءكم خير . . . في صدري شيء يؤلمني وحدي أتمني اني اقدر امسك قلبي ده من بين ضلوعي واقدر اخرجه يمكن اقدر اعيش مرتاحة شوية في اوقات بيكون الآلم هادي والأمور ماشية عادي والحياة كمان ماشية مفيش مشاكل بس في يوم تصحى من نومك تحس بأن في حجر تقيل على صدرك مش قادر تاخد نفسك تصحي في عز نومك او بعد ما تنام بساعة تحس بأن في حد ماسكك من رقبتك ومانع عنك الهوا مش قادر تتنفس ولا قادر تتحرك ممكن تقوم من مكانك وتجري تدخل المطبخ وتشرب كوب ماء مش عطش بس عشان تتأكد انك مش ميت او انك مش بتطلع في الروح تقعد شوية كده على الكرسي لحد ما تستوعب انك بتتنفس طبيعي ويبدء عقلك يشتغل تاني وتعرف انت فين وهتعمل ايه ممكن تكمل نومك وكأن مفيش حاجة حصلت وممكن تقعد كده في ذهول لمدة ساعات اوقات بحس اني عايزة اصرخ واخرج في البلكونة في عز الليل واوقات بكون نفسي احكي مع حد واخرج اللي جوايا بس هتقول ايه ولمين محدش هيفهمك ولا حد هيحسك احسنلك تسكت لأن مفيش قدامك غير كده شوية فضفضة شكراً لقراءتكم روني ..~