[SaMa.]

فضفضة بقالها مده خنقانى وموش عارفه اكلم فيها مع مين
مشكلة ازعاج الجيران لبعضهم لما يبقا شاب مستهتر كل همه متعته وبس
يشغل الاغانى باعلى صوت وف اى وقت موش فارق معاه
احنا الفجر احنا الضهر وقت م يجى ع بالو يسمع اغانى يسمع الشارع كلو معاه
ولانافع معاه اى شكوى من اى جار ليه




ده غير الموضه بتاعت الصواريخ اللى كانت بتبقا ف رمضان بس
بقت ف كل الايام وموش شرط فرح ولاعيد ميلاد
اهو بذخ وتصرفات همجيه من ناس موش عدى عليهم اى تربيه ولانصح
ممكن دلع زيادة من اهلو واحنا نشيل نتيجتو



فيها ايه لو يسمح براحتو بس يخلى الصوت على قدو
ولايحط سماعات فيها ايه لما يختار الوقت اللى يسمع
او يحتفل فيه ولاهو لازم المتأخر او وقت الضهر والجيران نايمين
النوعيه دى بتكون انانيه ومستهتره ولاعارفين حق الجار ولادينهم قالهم يعملوا ايه


تفتكروا ناس زى دى نعمل معاهم ايه نبعتلهم ولانبلغ عنهم ونستريح