[™Amiliya]

بنعيش في الحياة نجري ورا الدنيا ياتسبقنا يانسبقها وفي كل محطة بتستنانا

ونرجع نعيد اللقطة من تاني

حاجات كتير بتفوتنا وحاجات اكتر لسة مفتتش علينا وفي كل مرحلة بنستناها

ونقول بكرة هتيجي ودايما ناسيين ان ياعالم هنعيش لبكرا ولا لا

الغريب اننا بنؤمن بكدا ان العمر لحظة ومش بتكرر في فرص بنلحقها

وفرص مبنلحقهاش وفرص بضيع ومفيش امل انها تتكرر

لكن لكل حاجة جوانا حلم وع قد حلمك بتوسعك السما والارض

في ناس شايفة العمر زي القطر سريع بس بيقف عند محاطاته بانتظام

مع ان الانسان مش منتظم في محطات عمرو بس في حاجة بتخليه

يعيد التصرفات والاحلام ولغاية الان محدش عارف السبب

يمكن السبب ان في خلل بيحصل جواك بيخليك تعيد نفسك وتكررها

الخلل دا بيعلمك ممكن وممكن بيضيف ليك حاجة وممكن ميعلمكش ولا يضيف

بس بيفضل كل فترة يهزك ويكررك

لو باقي في عمري يوم

سؤال سألته نفسي كتير وسالت الي حواليا معظمهم احلام نفسهم تتحقق
ويشوفو نفسهم فيها قبل ميفارقو الحياة

وناس بتطلب الرضا والتوبة والخوف متملكهم من انهم يموتو ع غير حسن الخاتمة

وناس نفسها ترجع في اليوم دا حد فارقتو وغيرهم اعتذرات وغيرهم عايزين يقولو حاجات اجلوها ومقلوهاش

كتير اوي الي جوا الناس وعايزة تلحقو في اليوم دا

اليوم 24 ساعة هتستغل منها كام لايه عشان تقدر تحقق الي عايزو فيه

لو باقي في عمري يوم هنام مطمئنة اني مش هعمل اكتر من الي عملتو

في حياتي ويوم واحد مش هيكفي اعمل فيه حاجة نفسي فيها

لان كل الي نفسي فيه مش بستنى عليه بعملو عشان اليوم الباقي دا

هقفل ع نفسي وانام بحرية تامة

/

لو باقي في عمركم يوم هتعملو ايه؟

/

ايميليا الجنزوري