الموضوع
:
استــــــــغمايه
عرض مشاركة واحدة
منذ /
09-08-2014, 07:14 PM
#
1
phalsteen
مشرفه سابقه
رقم العضوية :
91212
تاريخ التسجيل :
Dec 2012
العمر :
31
الجنس : ~
امرأة
المكان :
الدنيا
المشاركات :
28,912
الحكمة المفضلة :
ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام
النقاط :
درجة التقييم :
2818563
قوة التقييم :
1410
أوسمة العضو
استــــــــغمايه
مساء الخير
الموضوع عن احساس غريب اووي
بس في حد ذاته جميل
وخصوصا لما يجي وانت موجوع او وانت مش في مزاجك المطلوب
من بلكونتي بصيت
لبنوتات الجيران بيلعبوا
لعبه كنت بلعبها انا واخواتي زمان
استغمايه
لما كنت بروح استخبي في حضن ماما واعمل نايمه
ولا اقول لبابا
خبيني وراك ومتقولش لآيه لتضربني
فضلت عيني مركزة اوي عليهم
وشوية ولاقيت دموعي مع ابتسامتي متجمعين
وجوايا احساس غريب اوي
هو المنظر عجبني وضحك البنات فرحني
ولا انا غيرت منهم
ولا عشان رجعت لذكريات حلوة اوي
لما لاقيت جوايا حلم بنت صغيرة لسه عاوزة تعيش
والحقيقه انسانه عجوزة
ضحكتها صعب تخرج
لان ببساطه مبقاش ليها مكان ولا وقت ولا سبب
ولا يمكن لاني افتكرت حضن محتاجاله
وصعب الاقيه
والصعب اهون عليا من كلمه مستحيل
بس بكبرياء سرقته من عيون ابني ضحكت
وسألته امته هيجري ويلعب
ويستخبي في حضني
ويقولي احميني
وهنا كان السؤال
مين فينا اللي بيحمي التاني
وانا قوتي باخدها منه
وفرحتي معاه
وبعيش علي نفسه وبستني بفارغ الصبر
كلمه منه
ما علينا المهم انا لسه في امل
في جزء مني
في ابن واخ وصاحب وحبيب واب وام
كل دا في نظره ولمسه من ايد صغيرة اوي
بتشفي وبتزيح كل الوجع
عمرك في يوم حسيت انك اضعف من اضعف ضعيف ؟
عمرك قررت تضحك عشان تخبي دموع عينك ؟
عمرك احترت وفكرت اوي
وانت بتختار بين موت وموت ؟
هو ايه اسهل انك تموت وتتحرم من اللي بيحبوك
ولا يموتوا هما وتتعذب انت بغيابهم واحتياجك ليهم ؟
اخيرا / هو احنا عايزيم ايه من الدنيا
غير اننا نبقي بس مرتاحين
ندور جوانا علي حبه خير
حبه سعاده
حبه امل
باختصار حاجة بسيطه تدوب معني الوجع ؟
الحمـــــــــــــــــــــد لله
لو هتدور هتلاقي
كل الشوك اللي محاصرك
هيوديك لوردة جميله
الشوك خلاك تعرف قيمه الوردة
وتحمد ربنا انه بعتهالك
بحبكم في الله
التعديل الأخير تم بواسطة phalsteen ; 09-08-2014 الساعة
07:17 PM
phalsteen
مشاهدة ملفه الشخصي
إرسال رسالة خاصة إلى phalsteen
البحث عن كل مشاركات phalsteen