[™Amiliya]

ضيفنا النهاردة شخصية من ارقى شخصيات المنتدى له عند الجميع مكانة مختلفة بوجوده يكتمل المنتدى لا يبخل ع احد بالمساعدة طيب القلب وخلوق معايا ومعاكم احمد ( الماجيك ) اهلا احمد نورتني كيفك اهلا بيكي ايميليا ماشي الحال الحمد لله اول سؤال خطر في بالي هو احنا ليه مش بنشوف في فضفضة ليك موضوع مع انك حاضر باستمرار بالردود والمشاركة لاخرين؟ اممم مش عارف بصراحه بس الفضفضه بالنسبالي بيندرج تحت بند الادبيات زي اقسام الابداعات والخواطر كده اقسام المشاعر والعواطف ودول اخري فيهم مسابقات تنشيطيه أعملها والفضفضه زي ما قولتي كده بأشارك في الاراء بردوا لسه الواحد يادوب 21 سنه مدخلش جوا خلاط الحياه علشان تبقالي صعوبات ومشكلات يحتاج يفضفض بيها .. نبدا لقائنا - - الناس في الفضفضة عاملين زي الكتب في كتاب تقراه من عنوانه وكتاب لازم تقرا تفاصيله وكتاب مهما قريته مبتوصلش لدواخله ( كتابك نوعه ايه ) لا انا كتابي مليان غموض محدش يعرفله مله ولا يقدر يفك شفراته - البوح اصعب الممارسات الانسانية لان البعض بيعتبرها حبل بيتلف ع رقبته ساعة الصدق مع الاخرين ( ايه رايك) هو اوقات الواحد بيضطر يقول كل اللى جواه حتى لو هيدفع تمن دا بس الظروف بتحكم .. - الاغاني نوع من الفضفضة الموسيقى والكلمات والشجن بيخليك تسرح بعيد واحيانا تدمج الي بتسمعه بالي تقراه ( بتسرح في الاغاني وياترى الاغاني بتعرف توصل حالتك لو متكلمتش وايه اكتر اغنية بتعبر عنك في لحظة الحب او التعب) مفيش حاجه معينه بس تقدري تقولي احنا حاليا قلوبنا متحجره مبنحسش - السرية التامة مطلوبة جدا ساعة الفضفضة لكن في عوامل بتخليها غير متاحة واحيانا تكون غير مطلوبة ( امتى نستخدم افشاء السر لغيرنا وايه ردت فعلك لو حد عمل كدا معاك وقلك دا في مصلحتك) عادتا انا مش بقول غير الكلام اللى لو خرج بره اثنين مش هيأثر في حاجه والواحد لما بيعوز يتكلم مع حد بيبقى مع اعز صديق ليا لان بأبقى عارف انه هيسمعني ويفهمني زي ما انا كمان بأعمل معاه كده - في اعتقادي ان الجميع محتاجين طبيب نفساني لاني اعتقد انه الوحيد الي قادر انو يخرج كل الي جوانا ويدينا حل (ترجح صديق ولا حبيب ولا طيب يساعدك تخرج الي جواك وياترى انت مقتنع بفكرة ان لازم لكل شخص طبيب نفسي) انا فكرت من فتره ان اروح لطبيب نفسي ولسه الحكايه ماشيه ف دماغي ومش معني كده انك شخص مجنون اللى تفكيرهم محدود دول هما اللى بيبقوا فاكرين كده ولكن الواحد اوقات بيبقى محتاج لشخص يسمعك ويساعدك في تقديم حلول ليك ولو الشخص دا مش موجود ضمن الاهل والاصحاب مش هتلاقي غير الطبيب النفسي لان دا تخصصه.. - الشخبطة نوع مريح من الفضفضة والرسم الوانه بتخرج كل الي جواك والنوم بيساعدك ع التخلص من التفكير والكلام بيساعدك ع التغير ( بتحب انهي نوع اكتر من الفضفضة واقرب حاجة ليك ) انا لا بعرف اشخبط ولا ارسم واساسا مش بنام غير 6 ساعات واقل ممكن نمشيها انى شخص كتوم - لما بنصرح عن مشاعرنا بتحصل حاجة من الاتنين :- اما هنتعب او نرتاح وغالبا بيزيد التعب لما بنخرج كل الي جوانا ( ايه سبب التعب من وجهة نظرك ومريت بكدا ولا) لا الواحد المفروض بيرتاح لما بيخرج اللى جواه لانه بيشيل حمل من عليه كلنا فينا بلاوي ودايما بنحتاج نتكلم -الاسترخاء والسفر وجهان لعملة الفضفضة الروحية الي من غير كلام ( فضفضتك الروحية تمثل في ايه) تمثل في الوحده بمعنى الانعزال عن العالم الاخر كده مع نفسك - اعطني هذا الدواء ( دواء الراحة عندك ايه) التخلص من الهموم والاحمال - في حياتنا ناس كتير بتدخل وتخرج عاملين زي المطار ناس بتسافر وناس بتستنى محطتها وناس بتستنى حد وناس بتودع حد وكلها بتوجعنا وتغيرنا وتبدلنا بس بنيجي في لحظة ونتعود ( ايه رايك ) عادي بنتعود ماهي مش بتقف ع حد عموما النهارده حد فارقك هيجيلك يوم انت تفارق شخص تاني بنلف في دايره ولكن الاختلاف هنا ان نهايتها معروفه مع عدم معرفة توقيت النهايه .. - تعنيلك ايه الكلمات التالية :- شنطة سفر رحيل محطة قطار انتظار البوم صور ذكريات شباك ستاير و حرير شباك ستاير وحرير اجندة مغلقة يأس رسالة متقريتش أمل - ملامحنا بتفضح احساسنا احيانا كتير وبتعبر عن مشاعرنا بشكل واضح في ناس بتعرف تقرا مشاعرنا وتفسرها وناس بيصعب عليها دا ( ياترى بتعرف تقرا ملامح الغير ولا صعب ولا حسب قرب فلان منك وايهم اصعب قراءة الملامح ولا الكلمات) اكيد حسب التعامل والملامح أظن أصعب لان الكلمات مش من الصعب تفسيرها - التكنولوجيا اثرت بشكل كبير في موضوع الفضفضة ماهي اثرها السلبي من وجهة نظرك والايجابي ؟ الفضفضه بتنبع من الوجدان والاحساس والتكنولوجيا بتمحي الى حد كبير اثر العاطفه والمشاعر .. - قبل ان نتركك فضفضلنا بكلمات وانت مع مشروبك المفضل وصوت غناء يطرق مساحات قلبك حدثني عن ماخطر في بالك بدون اي قيود المجهول انتظرتك طويلاً نعم قد مللت كثيراً الي متي سأظل أنتظر قدومك ~! / نورتني احمد ثانكس إيمي لإستضافتي في برنامجكـ الراقي مثلك دمتي بخير وبأفضل حال

/

الى لقاء قريب وعضوة جميلة محبوبة وراقية

انتظروني