[شاعر الحب الحزين]

بسم الله الرحمن الرحيم


من فترة طويلة كده حصل معايا موقف

هو مجرد حلم حلمته مش اكتر

حلمت إني شفت بنت ومعاها صاحبتها

هي لما شافتني كلمتني وفضلت ماشية

معايا لحد باب بيتنا وفضلنا نتكلم قدام بيتنا

المهم إديتني نمرة تلفونها ومشيت هي وصاحبتها

قالتلي نمرتها بلسانها رقم رقم ومشيت وانتهى الحلم

قمت الصبح من النوم وكنت فاكر نمرتها والحلم كله بالملي

ضربت رقمها بس مضربتوش جامد يعني

رنيت ع الرقم اللي اديتهولي وردت عليا بنت قلتلها

أنا شفتك ف الحلم واديتيني نمرتك وهي ما صدقتنيش

افتكرتني بعاكسها وده اللي مش ممكن ابدا اني اعاكس اي بنت

انتهت المكالمة بيننا وهي ف نيتها إني بعاكسها

ما كلمتهاش تاني وبعد فترة كده شفتها معدية من شارعنا

هي وصاحبتها زي ما شفتهم في الحلم بالزبط

هما ما شافونيش ساعتها انا شفتهم ومرضتش اروح اقولها حاجة

بس كنت مستغرب إني كنت أول مرة اشوفها ف حياتي

من بعد ما شفتها ف الحلم

ومن بعدها ما شفتهاش تاني ولحد الآن مش فاهم ايه اللي

حصل ده كله ومش عارف ايه تفسير الموقف ده


عمرها حصلت معاكوا الحكاية دي ؟؟

وايه تفسير اللي حصل معايا ده ؟؟؟؟؟؟


أرق تحية