[™Amiliya]

مسائكم عطر اعزائي نجدد لقائنا اليوم بشخصية ممتعة ونشيطة قادرة ع احتواء الجميع دون كلل تقدم ماتستطيع ولا تنتظر المقابل اسمها يكفي ان يصفها فهي سما والسماء تسع كل شيء ضيفتي وضيفتكم النهاردة هي Nefertiti اهلا بيكي سما معايا ياترى مرتاحة؟ اهلا بيكي حبيبه قلبي الحمد لله كفايه اني معاكي نبدا اللقاء -------------- - - الناس في الفضفضة عاملين زي الكتب في كتاب تقراه من عنوانه وكتاب لازم تقرا تفاصيله وكتاب مهما قريته مبتوصلش لدواخله ( كتابك نوعه ايه ) ال 3 شخصيه مركبه عموما ممكن اقول مٌعقدة هتلاقيني لناس كتاب مفتوح فاهمين ادق تفاصيله ودول الناس اللي اقدر اقولك بثق فيهم وهما مش كتير عموما وفي ناس انا بالنسبة ليهم عنوان بس ويمكن صعب يفهموا او يقدروا يقروا كلمه من اللي جواه وانا حابه اوي كدة واتمني ابقي للجميع عنوان بس وناس انا بالنسبة ليهم اصعب معادله لا بيفهموني ولا يهمني دا برضو - البوح اصعب الممارسات الانسانية لان البعض بيعتبرها حبل بيتلف ع رقبته ساعة الصدق مع الاخرين ( ايه رايك) اتفق 99% لانه فعلا صعب بس مش مستحيل احيانا بيغلبنا الكلام لما الوجع بيكتر اوي علينا فبنرمي هموما لحد قريب اوي يسمعنا ولو ع نفسي احيانا بحتاج لحد يسمعني بس مش اي حد رغم اني لما بتوجع مش بعرف احكي بفضل السكوت - الاغاني نوع من الفضفضة الموسيقى والكلمات والشجن بيخليك تسرح بعيد واحيانا تدمج الي بتسمعه بالي تقراه ( بتسرح في الاغاني وياترى الاغاني بتعرف توصل حالتك لو متكلمتش وايه اكتر اغنية بتعبر عنك في لحظة الحب او التعب) ايه دا كله بئه انا كنت فاكره اني لوحدي اللي فاكراه كدة انا بالنسبة ليا حليم وكاظم يعني الحب يعني الدفئ لما بحب بيشاركوني كل لحظه ولما بحزن مش بيفارقوني بلاش عتاب وفي يوم في شهر في سنه للعندليب - السرية التامة مطلوبة جدا ساعة الفضفضة لكن في عوامل بتخليها غير متاحة واحيانا تكون غير مطلوبة معنديش حاجة اسمها اسرار لو مع اخواتي ومستقبلا ابني هنا بئه لا تامه ولا نص نص لكن السرية مع الجميع مطلوبه اصل حكايه الثقه دي مبقتش موجوده عندي السر هيبقي علني للجميع ( امتى نستخدم افشاء السر لغيرنا وايه ردت فعلك لو حد عمل كدا معاك وقلك دا في مصلحتك) زي ما الرسول عليه افضل الصلاة والسلام قال انصر اخاك ظالما او مظلوما لو هحميه من نفسه او من اي ضرر هقول السر لكن لو غير كدة فهيموت معايا انا وقتها هحدد لو فعلا كان لمصلحتي فهشالها ليه فممكن يشفعله عندي لكن انا الانسان عندي موقف وبكدة ممكن يخسرلي للابد - في اعتقادي ان الجميع محتاجين طبيب نفساني لاني اعتقد انه الوحيد الي قادر انو يخرج كل الي جوانا ويدينا حل (ترجح صديق ولا حبيب ولا طيب يساعدك تخرج الي جواك وياترى انت مقتنع بفكرة ان لازم لكل شخص طبيب نفسي) انا معاكي طبعا وكنت كتبت حاجة عن كدة زي ما قولت لو فضلت ساكت ل 99% لازم في لحظه يغلبك كلامك باللي جواك واللي يعرف يخرج شكوتك ويسمعك وع الاقل يخفف عنك مينفعش اخ اصل الاخ بيصون وبيحافظ بيراعي وبيخاف بيضم وجعك ويداويه بيسمع وبيساعد الاخ عصب وحماية سند وحق والعصب ميبعش - الشخبطة نوع مريح من الفضفضة والرسم الوانه بتخرج كل الي جواك والنوم بيساعدك ع التخلص من التفكير والكلام بيساعدك ع التغير ( بتحب انهي نوع اكتر من الفضفضة واقرب حاجة ليك ) قلمي بيخرج اللي جوايا وبيان احساسي ومدي مشاعري من كلماتي ولما بيغلبي الوجع احيانا بهرب وبيكون النوم هو الحل - لما بنصرح عن مشاعرنا بتحصل حاجة من الاتنين :- اما هنتعب او نرتاح وغالبا بيزيد التعب لما بنخرج كل الي جوانا ( اه سبب التعب من وجهة نظرك ومريت بكدا ولا) مجربتش اخرج كل اللي جوايا عشان متأكدة ان تعبي هيزيد دايما دموعي هيا المنقذ ممكن يكون سبب التعب انك بدل ما متدي فرصه لنفسك تنسي او حتي تهرب بتواجهها بضغط اللي جواك -الاسترخاء والسفر وجهان لعملة الفضفضة الروحية الي من غير كلام ( فضفضتك الروحية تمثل في ايه) السفر بالنسبة ليا وجع بكره الغربه البعد الفراق الوحده مبحبوش ابدااااااااااا لكن الاسترخاء هدوء وراحه النفس محتاجاها - اعطني هذا الدواء ( دواء الراحة عندك ايه) ابنـــــــي واخويا سر الفرح ودوا لكل وجع كفايه ضحكتهم - في حياتنا ناس كتير بتدخل وتخرج عاملين زي المطار ناس بتسافر وناس بتستنى محطتها وناس بتستنى حد وناس بتودع حد وكلها بتوجعنا وتغيرنا وتبدلنا بس بنيجي في لحظة ونتعود ( ايه رايك ) انا من كتر ما شوفت الفراق وجربت الوداع بئه عندي رعب من كل سفر في السؤال اللي قبل دا قولت اني بكره الوداع مش بستحمله اصعب حاجة توجعني اني افارق ولو قلم ليا او ورقه فما بالك روح انسان بخاف اوي وبجنون علي اللحظه اللي ممكن افارق فيها حد خلاص مبقاش فيا استحمل فراق حد - تعنيلك ايه الكلمات التالية :- شنطة سفر فراق محطة قطار دنيتي البوم صور ذكريات شباك ستايرو حرير روائح الحنين ودموع الانتظار اجندة مغلقة حياتي رسالة متقريتش الوجع يتحس بس وصاحبه الوحيد اللي بيحس بيه - ملامحنا بتفضح احساسنا احيانا كتير وبتعبر عن مشاعرنا بشكل واضح في ناس بتعرف تقرا مشاعرنا وتفسرها وناس بيصعب عليها دا ( ياترى بتعرف تقرا ملامح الغير ولا صعب ولا حسب قرب فلان منك وايهم اصعب قراءة الملامح ولا الكلمات) هو حسب القرب فعلا وانا اقدر احدد القرب مني من ملامحه وكلماته هعرف حالته مهما كانت صعبه بدال قريب مني هحس بيه بكل الطرق - التكنولوجيا اثرت بشكل كبير في موضوع الفضفضة ماهي اثرها السلبي من وجهة نظرك والايجابي ؟ طبعا بالسلب اخدت الناس من بعضها بشكل كبير وبالتالي مبقاش في وقت لحد انه يروح يشكي لحد او حد يسمع - قبل ان نتركك فضفضلنا بكلمات وانتي مع مشروفك المفضل وصوت غناء يطرق مساحات قلبك حدثيني عن ماخطر في بالك بدون اي قيود لما بسرح وبفكر برجع لاجمل صوت ساكني صوت امي اتمني اروح لقبرها احكي وتسمعني نورتيني دا نورك يا قلبي جميل البراجرم والاسئله مميزة فعلا تحياتي ايمي الى لقاء قريب اعزائي مع ضيفة مختلفة جدا