[العاشق الذى لم يتب]

سلامْ يتهادى عبق يآسمَينه ليدثر آروُاحكمْ بالرضآ والآطمئنآنْ صباحاتكم ومسائاتكم معطره بإذن الله بنقاء آرواحكم أفراح وليالى ملاح السلام عليكم ورحمة الله وبركاته ومن آياته أن خلق لكم من أنغسكم أزواجا لتسكنوا إليها وجعل بينكم مودة ورحمة ذاك قول الله جلا وعلا ويقول سيدالبشرصلوات ربى عليه وسلامه (تناكحوا تناسلوا فإنى مباهٍ بكم الأمم يوم القيامة) مشروع زواج هو برنامج اسبوعى أردت من خلاله مناقشة الأعضاء لكى نتعرف على الجوانب المضيئة فى هذا المشروع والذى هو مشروع حيوى وماأظن أحدا فى الدنيا إلا وفكرأن يتاجرفيه وهذه التجارة كثيرا ماتكون رابحة ومرات تكون خاسرة ومع ضيوفى الأعزاء نناقش سويا متى تكون التجارة رابحة ومتى تكون خاسرة ومع رابع حلقات البرنانج يسعدنى ويشرفنى تكون ضيفة الحلقة الليلة هى ايميليا رائحة القهوة مشرفة قسم الفضفضة س ــ الزواج هو حلم كل فتاة وشاب وهو أمر من الله ورسوله وبه تكون الحياة فماذا تنظرى لهذا المشروع من وجهة نظرك؟ مؤسسة اعضائها الاصليين رجل وامرة اتفقا في بنود العقد على الحياة والشراكة في كل شيء صغيرة وكبيرة والله ثالث الشريكان س ــ غلاء المعيشة وظروف الشاباب المادية ساهمت فى عزوف الشباب عن الزواج فكيف التغلب على مشكلة العزوف هذه؟ التغلب عليها مسئولية افراد ومجتمع افراد تؤمن ان الشباب لسة في بداية حياتها والاقتصاد والدنيا مش مساعداهم ودي امكانيتهم ومجتمع يتغلب ع فرض الامور ع الاخرين والبيع والشراء في الفتيات تحت اسم حفظ الحقوق س ــ هل الحالة المادية وحدها هى السبب فى تأخرزواج الفتايات والشباب؟ هي سبب من الاسباب ومن اهم الاسباب لان الماديات بتجيب كل حاجة كل الالتزامات الي ع الواحد س ــ هل غلاء المهور وتعنت أسرة الفتاة وغلوهم فى طلبات زائدة ساهم فى تفاخم وتأخيرمشروع الزواج؟ الاهالي من غير متاخد بالها او تحط في اعتبارها اختيار بنتهم لشريك حياتها انهم بيتعملو مع بني ادم له قدرات وامكانيات محددة وان الشخص الي متقدم دا مش بنك او مالك فانوس سحري هيحقق احلامهم ولو امن الاهل ان الجواز سترة لبناتهم واخذو في الاعتبار كلمة الرسول خدوهم فقراء لقلة المشاكل الاخلاقية والسلوكية كتير ومبقاش في عنوسة ولا عقد نفسية عند البنات والشباب س ــ هناك أسر حينمايتقدم لطبة أبنتهم أحد الشباب يرفضوه بحجة أن نسبه ومنصبه لايساوى حسبهم فهل هذا حق شرعة لهذه الاسر؟ حق اكيد لان المراة تنكح لحسبها ونسبها وجمالها ومالها ودينها بس لو فكرو كويس اوي في الموضوع من ناحية تانية اكيد هيعرفو ان لا شيء باقي الا الدين التزام الشخص ودينه واخلاقه وطالما يملك وظيفة ومستقل بذاته وهيكرم بنتهم وحسبه ونسبه كويسين ومن سارة مستورة بس مش مشهورة الصيت ليه ارفض فدا بيدخلهم في تاخر بنتهم عن الجواز لحجج مش هي س ــ لو تقدم شاب ومحصلته التعليمية أقل من الفتاة ولكن لديه القدرة المادية والمعيشية تفتكرى من حق الفتاة أن ترفضه؟ حسب البنت وتفكيرها في بنت هتوافق عشان معاه الي يغطي ع تعليمه وثقفته وفي بنت عايزة الاتنين سوا وفي بنت عايزة العقل قبل المال حسب كل واحدة هي عايزة ايه من الشب او يكون فيهوحقها ترفض او تقبل س ــ كثيرا مانسمع ونرى قصة حب بين فتاة وشاب وعند مجيئ هذا الشاب لأهل الفتاة يرفضوه عقابالجرمه فماوجهة نظرك فى تلك الحالة؟ الاهل خوفهم ع بنتهم من اختيارها الي ممكن يكون خطا بيخليهم يتصرفو كدا بس لو الشب اثبتلهم صدقه وحسن نواياه اكيد مش هيترفض ولا هيتعامل معاملة وحشة منهم وغالبا الشباب بتتسلى فليهم حق الصراحة س ــ وسائل التواصل الحديثة ساعدت وسهلة بعض الأموروالمزيد من تقاب الشباب والفتايات فماذا تقننى هذه المعرفة وماسلبياتها وإجابياتها؟ القصة بتدأ بشرارة من خلف الشاشة عايزة تكلل بالصورة الحقيقية وتخرج براها لو حصل دا يبقىالموضوع حقيقي وعقلاني وزيو زي اي حاجة واي علاقة بين اتنين لكن لو للنتسلية ودا غالبا بيكون كل واحد او واحدة البعض منهم مش عايز يقعد فاضي ع الجهاز فيشغل مشاعرو بالعب بمشاعر الغير او بالتسلية المتبادلة تحت اسم بقا تعارف وارتحتلك ومعجب وعايز اتجوز وغيرو وغيرو الايجايبات للموضوع انك تخرج علاقتك بالشخص دا لو نيتك سليمة للنور وسط اهل وعيلة لكن السلبيات اننا نقضيها ضياع وتسلية س كثيرا مانسمع عن خطبة وطلب زواج عن طريق هذه الإتصالات كيف ترى ذلك وهل توافقى لو تقدم لخطبتك عريس عن تلك الطرق؟ انا لو وافقت اهلي لا يمكن يوافقو انا قناعتي انو لو سالنا ع الشخص زيو زي الخطبة او حد جايب عريس لبنت فلان الاول يسالو ويتفحصو الموضوع بكامل جوانبه عن اهلو شغلو هو ايه واذا طلع كويس يتم الموضوع مش كويس خلاص ينتهي المهم البنت متتعمقش عشان متنكسرش س ــ الشكوى من العناس وتزايده فى الفترة الأخيرة تفتكرى ماهو السبب الحقيقى وراء تلك الظاهرة؟ اولا بغددت البنات الي احلامها في فارس كوابيسها مش واقعية وكل ميتقدم حد دا مش مرتاحلو ثانيا احلام الشباب الي عايز يتجوز واحدة جرافيتس وكل ميقولو البنت دي كويسة يروح يشوفها يطلع فيها الف عيب ثالثا الاهالي الي عمالة تحلم بقصر لبنتها وعريس امير فتنهار كل دا فتقعد البنت وتعنس وتقولك محصلش نصيب س ــ كثرت المشاكل الزوجية ووصلت لكثيرمن حالات الطلاق المبكر هل لديك معلومات أو مبررات لهذه الحالة وماهول الحل من وجهة نظرك؟ محدش بيستحمل التاني وكل واحد سقف توقعاتو في التاني وهمي للغاية وناسيين انهم اتنين مختلفين محتاجين وقت يتعرفو فيه ع بعض تحت سقف واحد ويتقبلو بعض بكل مافيهم من عيوب ومن مميزات ويتحملو بعض عشان الحياة تمشي وكلها 5 سنين وهيعرفو اخر التجربة ياهيكملو ياهتستحيل الحياة بينهم والخمس سنين دي بيقولو هي الحد الائتماني لنجاح او فشل بداية الحياة الزوجية بين اي اتنين بس مع الاسف مبتكملش شهور وكلو بيستعجل ع التاني ومستني من التاني بس يشتغل وهو يستقبل ســ بعد تمام الزواج تكتشف الفتاة أن زوجها عكس مانت تراه قبل الزواج سواء حالته المادية أو التعاملية ماذا سيكون تصرفك لوكنت أنت فى هذه الحالة؟ طالما اتجوزت لازم ادور فيه ع جوانب اتقبلها واكمل حياتي معاه عليها واي اتنين عاشو تحت سقف واحد وانكشفت شخصياتهم قدام بعض لابدكل واحد فيهم هيشوف جانب حلو في التاني وجانب وحش والمعاملة بتغير تدريجيا لكن لو الشخص دا غير قابل للتغير او التحمل هسييبو بعد مكون جربت كل الوسائل معاه س هناك بعض الفتايات ترفض التعاون مع زوجها فى مناحى الحياة الزوجية منها المادية وأهمهارفضها للإنجاب بحجة جمالها ومظهرها إيه رأيك فى كده؟ الامومة دي اجمل حاجة في الوجود ومش قادرة افهم الست الي تتنازل عنها عشان جمالها الي هيزول في يوم ولا جسمها الي عيتغير في يوم بردو ازاي تقدر تستغنى عنها عشان حاجة زائلة اصلا اذا جميلات العالم بيحملو ويخلفو وبيتمتعو بالاحساس لا دا غباء وحاجة هتندم عليها بعد فوات الاوان س ــ مشكلة الحماوات وكثيرا مانرى الزوجة تترك بيتزوجها بسبب والدته فهل هذه تمثل مشكلة حقيقية؟ من قديم الازل وهتفضل ع طو المشكلة دي وكل امراة جواها حماة لان المشكلة فيهم كل واحدة منهم داخلة ومتحفزة للتانية ومتخيلة حاجات جواها كتير ومستنية الوقت الي تنقض فيه ع التانية مع ان كل واحدة لو عملت حاجة بسيطى اعتقد هتكون افضل لحياة افضل بمعنى لو البنت راعت ان دي ام وان الموضوع مش سهل عليها ان حد يدخل حياتها وحياة ابنها وخايفة من الدخيل دا يغير ابنها عليها هتراعي وهتتعامل معاها بطريقة مختلفة وتعتبرها ام وتحط نفسها مكانها كمان كم سنة قدام هتكون في نفس الموقف والام لو عملت حساب ان دي حياة ابنها ولازم يستقل ويخرج من دور الطفل الي خايفة عليه وترعي ربنا في مراته وعاملتها زي بنتها اكيد هتفرق بس لا حياة لمن تنادي س ــ الزوج والذى يكون دائما منصف لأهله على حساب زوجته كيف ترى ذلك التصرف؟ راجل غبي بيخسر طرف لحساب طرف الرجل الحكيم يعرف يكسب الطرفين لحسابه هو س ــ على الجانب الآخر أم الزوجة توصى بنتها بأن تكون قوية أمام زوجها ولاتستسلم له بسهولة تفتكرى هذا التصرف سليم أم ماذا؟ القوة مطلوبة لكن حسب امتى نستخدمها وازاي بغباء ولا بحكمة وبدون منيجي ع الزوج او نقلل منه وغالبا واصايا بعض الامهات عبارة عن حياة كان نفسها تعيشها ومحصلش ومخدتش فرصة او حياة هي عيشاها وعايزة بنتها نسخة منها س ــ ماهو مشروع الزواج الناجح بين المتزوجين حديثا وماهى مقوماته من وجهة نظرك؟ الاتفاق والاحترام والتقدير ومبدا الستر والغطا ع بعض س ـــ فتايات كتيرة بتوافق على العريس اللى أكبرمنهاسنا لظروف متعددة هل هذا يعنى جريمة فى حقها ولامافيش مشكلة؟ جريمة لو قاصر لكن طالما هي عارفة بتعمل ايه وبتختار ازاي مبتكونش جريمة لكنها لو مختارة من غير تفكير جدي وبنقط معينة ومش سليمة بتكون بتظلم نفسها والي معاها يعني لو هتختار واحد اكبر منها عشان فلوس يبقى بتظلم نفسها وبتظلمة لانه مالوش زنب في طمعها لازم تفكر بجدية س ـــ عندماتوافق الفتاة على قبول الزواج من زوج متزوج بأخرى فهل تصرفها ده معيب ولا يكون حل لبعض مشاكل ربما تأخرسنها أو قبولها بسبب علاقة عاطفية بينهم؟ لو في عاطفة وفي اتفاق ومفيش حاجة هتيجي ع بيتو التاني من العلاقة يبقى الزواج ناجح لكن لو هي داخلة ومتحفزة لمراته وعايزة يكون ليها وبس دي انانية منها وبتخرب بيت مستقر وان نقصه بعض الحاجات ومش شرط تاخر السن بس بيكون من ضمن الاسباب ايضا والمجتمع بيشوف ان دا عادي وبعض الناس بتشوفو هدم بيوت والناس التانية هتشوفو انه راجل مزواج الناس لو هنمشي ع كلامها محدش هيتجوز س ــ ماهو فتى أحلامك وماهى الصفات التى تريدنها فيه؟ ابن ناس متربي اهلو تعبانين في تربيته ومعندوش عقد انسان طبيعي وطموح ووسيم وطويل وملتزم وصاحب مبادئ ورياضي بيحافظ ع صحتو س ــ ماذا تنصحين كل فتاة مقدمة على الزواج؟ لو ارتحتي لحد واسترختي الله فيه واطمنتي اتوكلي ع الله وسيبي اي كلام ورا ظهرك تاكدي ارتياحك وصلاتك هما الاساس في الاختيار وشكرا لك ايميليا شرفنى اللقاءمعك فى البرنامج وأشكرلك حسن التعاون واللإفادة والتى وجدتها هنا من خلال إجاباتك وفقك الله دوما شكرا ليك رفعت ع اللقاء الجميل دا والشكرلك أيضا إيمى لتكرمك وتشريفك البرنامج أتمنى لك كل التوفيق والسعادة أحبتى فى الله أنتهت حلقة اليوم مع ضيفتى الكريمة نورهان أنتظرونى وحلقة جديدة قادمة وحتى ذلك الحين أستودعكم من لاتضيع ودائعه مع تحيات أخوكم رفعت

[flash=http://www.ro-ehsas.net/uploads/13914362691.swf]WIDTH=0 HEIGHT=0[/flash