[phalsteen]

مساء الخير
النهاردة كان يوم لا بأس به
عارفين اعراض الانشكاح
علي رأي ايميليا القمر لما ضحكتك توصل لقفاك
احسنتي يا روحي انا
هو بالظبط كدة

طب وانا هسكت كدة
يعني اليوم يمر من غير اي كركبه
ولا خناقات ولا مشاكسات

اهو دا اللي مش ممكن ابدا

علي رأي اسمها ايه

وبصيت علي المتواجدين وقولت حظكوا بئه كدة

واختارت كام واحدة من حبايبي الحلوين

وقلبت وشي وبعتلهم الرساله دي

اقتباس مساء الخير ساحر الاحزان قرر يتنحي عن منصب المدير العام لو عندك اي كلام تقوليه له هستناه لانه هينزل في توبيك انا بحضره وبليز محدش يعرف

بصراحه انا قولت الاعضاء هتبسط كدة وتفرح
وهنلم من بعض ونشتري قله نكسرها

لكن للأسف ضاعت القله

امنيه شافعي

عضوية التميز

انتي بتكلمي بجد ولا ايه
لا مش هعرف حد
لا بجد المنتدي مش هيكون
منتدي من غير ساحر الاحزان
مواضيعه جميله ومميزه
وشعله نشاط والله زعلتني
ياريت يرجع بكلامه المنتدي وكل
الاعضاء اكيد هيزعلوا
ايه دا ايه دا بئه
لا الاعضاء مش هيزعلوا
انا كدة اللي زعلت

طب انا قولت ابعتلها تاني يمكن تغير رأيها ولا حاجة

وبعتلها الرساله دي

اقتباس طب لو هنجمع اصوات الاعضاء ياتري موافقه ولا معترضه وتفتكري حد ياخد مكان ساحر حتي لو هو اللي طلب نرشح اسم عضو بنا

لا انا معترضه طبعا ان ساحر يسيب منصبه
بصراحه انا مش شايفه حد ياحد منصبه
لان هو الاقدر بيه هههههههه هنمنعه غصب عنه
لا طبعا كلنا متمسكين بيه

كلنا مين
انا ولا متمسكه ولا بتاع
انا هعمله حمله وهطلب خلعه قريب
اريد خلعا

امشي يا امنيه من هنا
اكيد دا رأيك لوحدك
لكن انا هبعت لحد تاني
وهيعزمني علي ايس كريم بالخوافه
عشان الخبر الحلو دا

مُنـــــايا

مشرفة القسم الاسلامى

ومكدبتش خبر بعتلها نفس الرساله


ليه يتنحي حصل ايه

بصراحه أنا أتفاجئت بالقرار ده ...ليه تسيب مكانك وتتنحي عنه

وأنت عطيته من وقتك ومجهودك كتير ...حرام بجد تسيبه

صحيح أنت ساعات بتكون مستفز ومش بتاخد قرار سريع في بعض الامور وسلبي

ايوة بئه هو دا
لوللللللللللللللي


لكن أنا عارفه إن ده من خوفك علي الأعضاء وحرصك علي عدم زعلهم وانك تخسر حد فيهم

وانك مش بتحب تزعل حد

المهم ده مكانك وقرارك تعدل عنه ..لان المنتدي باحتياجك

اخس عليكي وعلي شكلك
ما كونتي كويسه
هو عاملكوا عمل يا اخوانا ولا ايه



انا هاخد بعضي واروح علي ايميليا
هي عسل كدة
واكيد هتفرح في ساحر
وهترشحني مكانه
وكله في صالح الفضفضه

ايميليا

رائحة القهوة
مشرفة قسم الفضفضة

وكالعادة تعبت نفسي وبعت الرساله
وفضلت ادعي وادعي
يارب تزغرط يارب



ايه دا ليه كدا ايه الاخبار الوحسشة دي

انا معترضة ع التنحى

حتي انتي يا ايمي
انا مش قاعدالكوا فيها
احظرني يا ساحر
انا هلم مشاركاتي وراجعه بلادنا


دا كان مقلب
اتمني متزعلوش مني بئه
وساحر يا بختك بحب الاعضاء ليك
يارب يوقع منك
اخده انا