السلام عليكم ورحمة الله وبركاته
.........
انا اول مرة اكتب موضوع هنا فى القسم ده
وبما انى بقيت مشرفه هنا فـ هيبقى ده مش آخر موضوع ان شاء الله
......
انا جايه اتكلم عن طباع الرجل قبل الزواج وبعد الزواج
اكيد فى منكم شاف امثله لرجاله قبل ما يتجوز بيكون لهم طباع ومبادئ
وتحكمات وبيبقى متشدد على اخواته وعلى أمه وبيفضل يتأمر على الاكل
وعلى اللبس والاكل ده مش حلو وانا مش بحب ده واعمليلى اكل كذا
ومع اخته القميص ده مش مكوى حلو ومكوتيش ده ليه
ومش هتخرجى باللبس ده علشان مش حلو وده ضيق وده محزق عليكى
ومرة يتحكم فيها فى قعدتها على الانترنت وتقعدى شويه صغيرة
او متقعديش خالص وهكذا الى آخر المطاف
........
وبعد الجواز يتقلب حالة 180 درجه
اى اكل مراته تعملة يأكله مفيش اى رآي ولا ده حلو ولا ده وحش
لو مفيش مكوى يكوى هو لو القميص مش مكوى حلو يقولها حلو
ويبلسه بالشكل اللى مكانش بيبقى عاجبه قبل الجواز
لبس المدام محزق وملزق وعادى خالص
واحياناً يختار هو النوعيه دى من اللبس لمراته
قعدتها وسهراها على الانترنت من غير حساب ولا عتاب
ولا يقدر يقولها تلت التلاته كام
وخد من ده كتير
وطبعاً ده بيرجع للشخصيه نفسها لو شخصيته قويه فعلاً
زى ما كان بيعمل مع اخواته وامه قبل الجواز
كان فضل بنفس الشخصيه بعد الجواز وكان مارس دور سى السيد
انما هو اصلاً شخصيته ضعيفه وكان بيطلع عقدته بضعف شخصيته
على اهله قبل الجواز علشان كدة ظهرت على حقيقتها مع مراته
هى اللى عرفت تطلع الشخصيه الاصليه مش المزيفه
******
قبل الجواز بيبقى عنتر وبعد الجواز بيبقى عبله
الا من رحم ربى
..........