[جبل عالي]

[ السلام عليكم ورحمة الله يا أجمل أعضاء كل سنة وانتوا بكل الخير والسعادة يارب ويجعلها سنة مختلفة ان شاءالله وللسنة الجديدة ولكل عمرنا نشارك ونشارك بمنتدى الحياة ذلك المنتدى المليء بأقسامه ومواضيعه ومواقفه منا جميعا ربما تجبرنا بعض المواقف على المشاركة وربما البعض الآخر لايجبرنا لكن بالنهاية مشاركين ومكملين حتى النهاية فهو قدر ولا منه مهرب وبمشاركاتنا نحتاج للوقوف مع النفس لنراجع ونتدارس ونتفاهم حول ماصدر منا وماينتظر للجديد والقادم وهنا اللقاء التالي مع شخصية اليوم ۩۩ elMagic ۩۩ لقائنا مع الاداري المميز (الماجيك) ومشاركاته بمنتدى الحياة وعليكم السلام ورحمة الله وبركاته ميس أمل ثانكس لإختياري بقآ ان شاء الله تكون مشاركه إيجابية 1-ماهو تقديرك وتقييمك لمشاركاتك بالحياة ؟ لا لسه الواحد موصلش للدرجه اللى تخليه يبقى فخور بمشاركته في الحياه احنا اهو في اول الطريق .. 2-هل انت راضي عن تفاعلك ومشاركاتك بالحياة ؟ لغاية دلوقت من دا على دا مأقدرش أقول راضي بنسبة مكتمله لان اكييد بتبقى فيه مواقف بتحصل الواحد لما بيرجع يفكر فيها تاني يلاقي نفسه اتصرف غلط أو مواقف مأتخدتش بمحمل الجد بالشكل المطلوب ولكن نتمني نوصل للدرجه المطلوبه من الرضا ودا مش هيحصل الا بإرادة ربنا وبالعمل الجاد .. 3-ماهو الموضوع الذي تتمنى لو يُعرض بمنتدى الحياة ان الواحد يكون راضي عن نفسه وعن تصرفاته وأحقق كل ما أطمح إليه من النحيه الاجتماعية والمهنيه .. 4-اي المشاركات تؤثر فيك ؟ الايجابية والتي لها نجاح ام الفاشلة والتي تحزنك ؟ الاثنين شعورين متناقضين بيأثروا في الشخصيه الايجابية ممكن تدفعك للقمه أكتر وممكن للغرور والثقه بالنفس المفرطه والتكاسل ويبقى بعد كده المنحني بدل ما كان في القمه هتلاقيه بينزل بالتدريج لنقطة البدايه ،، أما السلبية المحزنه فا دي إما أن تموت الشخصيه لفتره طويله وفرض اليأس والحزن على الشخصيه أو تقوي من عزيمته أكتر لمحاولة الوصول للقمه .. في الغالب مفيش حد بينجح الا بعد ما يتعرض للفشل .. 5-متى قيمت نفسك بممتاز ؟؟ 6-متى قيمت نفسك بسيء ؟؟ لا الممتاز دا تقدير للشخص المثالي ودا صعب يكون من جنس البشر في مجتمعنا الحالي ،، بالنسبه لتقدير الشخصيه بمقبول بيبقى حسب المواقف اللى بتمر علينا فيها من يستحق التقدير وفيها غير ذلك وفي كلا الحالات بيتم محاسبة النفس إن أخطأت وإن لم تخطئ وذلك لمحاولة الوصول لدرجه من درجات الرقي والمثالية .. 7-ماهى المشاركة التي تتمنى لو لم تكن بحياتك ؟ لا لسه موصلتش للنوع دا من المشاركات ،، كلها حاليا مشاركات ممكن نقول عليها تمهيديه للحياه المعاصره اللي بيعيشها كل شخص متعدده مسؤلياته ودول ممكن نسميهم الناس اللى مضروبه جوا خلاط الحياه ،، اهو احنا لسه مدخلناش خلاط الحياه دا وشكلها قربت جداا دي اخر سنه جامعه 8-ماهي المشاركة التي لو عاد بك الزمن ستعيدها مرة اخرى ؟ مشاركتي مع شخص عزيز عليا لو الزمن رجع بيا اكيد اتمني أعيدها مره واثنين 9-ماهي المشاركة التي تحتاج الى تعديل وتوجيه ؟؟ مشاركتي في الثانويه العامه يمكن لو كنت ركزت فيها أكتر كنت ممكن ألحق هندسه بس الواحد كان مشغول ما بين أصدقاء السوء والبلاستيشن والكوره ف بعض الاوقات والدروس عند المدرسين اللي بتكبر من الواجبات والامتحانات يعني كان الواحد بيبقى عايز يوصل بأسهل وأبسط الطرق ومكبر دماغه خالص ولكن لا يمكن أن يحدث ما يتمناه المرء إلا بعد بذل المزيد من الجهد والتعب ،، اى نعم قفلنا الرياضه 2 بس ضيعنا ف الباقي يعني اخدنا خازوق واتكعبلنا ف تجاره بس عادي عادي مبعدناش اوي عن هندسه كلها حسابات مجالنا المفضل 10-ماهي المشاركة التي تتمنى لو تقتبسها من غيرك ؟ هو الواحد كان بيتمني يعيش في جو اسري متكامل منذ الصغر وسط الوالد والوالده ولكن إرادة الله فوق كل شئ بعدما فارقتنا والدتي من 13 سنه اكييد أمور كتير كانت هتتغير بس الخيره فيما أختاره الله وربنا يخليلنا الحج الحمد لله على كل حال .. اتمنى لك كل التوفيق بمنتدى الحياة ثاانكس ميس أمل برنامج جميل جدا وفكرته جديده نتمني للجميع التوفيق بمنتدى الحياه خالص الود والتقدير

[/align]

ملحوظة \ لقائي كان مع الماجيك قبل مايلبس البدلة الحمرا

هو لبسها من هناااااااا وعينك ماتشوف الا ................


كل جميييييييييييييييييييييييييييييييييييل

انتظرونا مع لقاءات مختلفة ان شاءالله



جبل عالي