[morshooo]

بسم الله الرحمن الرحيم

مزاج الخير

وحشكم التوبيك انا عارف

بتموتو فى الفضايح

ااااااااخ منكم انتم ااااااااخ







طيب ماتيجو نشوف

جبتلكم ايه النهاردة







فى البدايه انا اخد قرار مهم جدا

انى هشتغل ( مترجم )

فمن هنا ورايح اى حد مهما كان

عايز يترجم حاجا يبعتلى لو سمحتو

ودى اول ترجمه هترجمها

When one door closes, another opens
but we often look so long
and so regrefully upon the closed one,
that we don't see the one that has opened for us .

Alexander Graham Bell

احم احم

هترجملكم اخر سطر عشان دا المهم

بصو يا جماعه هى بتقولكم

التعبان يروح ( اسكندريه ) الدليل ( alex )

يجيب مرهم اسمه ( جرهام ) والدليل ( graham )

بس قبل ما يتحط يتبل والدليل ( bell )

انا مش عارف الناس دى بتحطلنا

حكم بالانجليزى ليه انا قولت قبل كدا

( جوجل ) بيشتكى من اعضاء المنتدى بسبب الترجمه دى

( جبل عالى )




انا عايز حضن ماليش دعوة

بكلم بجد هو كدا احنا لازم نحضن بعض كلنا

وبعدين الى يجى بدرى يحضن التانى لو عملنا كدا

الشباب هيجى من 5 الصبح

مهما كبرنا في العمر او المركز الاجتماعى او الوظيفي

يحتاج كل منا الى ذلك الشئ الساحر المسمي (بالحضن)

نعم يحتاج كلنا الى من يضمه الى حضنه ببساطة

لن اقولها بالفصحي ( يحتضنه ) بل سأقولها بالعامية

فهى اكثر حميمية ودفئا.. (يحضنه)

الحضن هو المكان الاكثر دفئا وأمنا

استنى بس ثانية واحده كدا والنبى

ورينى الصورة كدا الى قصدك نحضن بعض بيها



ايه دا يعنى احنا نيجى بدرى والساعه 5 الصبح

عشنان نحضن حيوانات لالالالالالالالالا

خلاص يا شباب هنلغى الاحضان فى المنتدى

دى احضان تجيب جرب وبعدين فى شباب هنا

عندها استعداد تحضن قطط ميته اساسا طالما قطه مؤنثه مش قط زكر

هادية





انا لما بزعل بقلب على الوش التانى

ولما اقلب على الوش التانى بجيب الشبشب الاخضر

وبضرب بيه وبما اننا فى المنتدى وبكتب فى مدونتى

فممكن تلاقو حاجات زى الفل ماتستغربوش منها فاهمين والا

هقولك نصيحة

لما تلاقي شخص زبالة وواطي

خليك أعلى منه وماتنزلش لمكانته

والنصيحة الأهم

لما تلاقي حد محتاج يتربى فحاجه من اتنين :

يااما تربيه بئا

يااما انه أقل حتى من انك تربيه ومش يليق له غير اللي هو فيه ..

مين الى مزعلك دا لا بجد

انا معاكى والله معاكى احنا نجيب علبه سجائر

ونشربها ونطفيها فى جسمهم كمان

ايه النصيحه دى يابنتى وليه كل دا بس

Words Whisper




ياسلام على الواحد لما يكون واخد باله

من كل حاجا دا الطبيعى يعنى اننا نكون زى الفل

ومنكسرش حاجا عشان حرام الى بيكسر دا مش ببلاش والله

و مش عارفة ايه حكايتى مع الحاجات اللى بتتكسر فى المعمل

احط الانابيب تسخن الاقيها تقع تكسر كلهااا

و لسة شارياها امبارح

ودى مش أول مرة تقع الحاجات تكسر مني

مش عارفة مالى

محسوووووودة

هقولك انتى تخلى حد كبير

وانتى نازله الصبح يكبر فى ودانك

وماتقلقيش هتبقى زى الفل والله

سندس




الواحد ياجماعه ممكن يمدح فى نفسه

دا عادى جدا وممكن نجيب حد يمدح فينا برضو

بس لما نجيب كلام عننا بلاش نكدب يعنى كفايه كلمتين

ومات الكلام

#روكه #‏مواليد‬ شهر يوليو

هذه المرأة متفائلة دائماً ... ثابتة الرأي ... تهوى المغامرات الصعبة ... لا تتبدل آراؤها

مهما تقلبت الظروف ... وتصرفاتها عموما تتسم بالخجل و التهذيب ... تصدق بسهولة

شديدة كل ما يقال لها ... تقف الى جانب أصدقائها في كل المواقف وخاصة أصعبها ...

جميلة الخلق كثيرة النشاط ... مجدة في العمل ... تنجح أحياناً في المكر و الخداع ...

قد تكون عصبية خيالية مع نفسها وتميل إلى الوحدة والحزن ... وتنسى الاهتمام

بصحتها ... المرأة تعتمد على نفسها، وتضحي في سبيل سعادة وراحة من حولها..،

ناعمة ... جميلة ... كسولة بعض الشيء ... لا تبالغ في مظهرها الخارجى ...

قادرة على ترجمة أحاسيسها كلاماً واضحاً ... وهذا أفضل لها كثيراً لأن الناس دائماً

يحاولون استغلال نشاطها ... يجب ألا تحمل حالتها النفسية أي ضغط من أي نوع إذا ما

شعرت بأي اختناق أو ضيق من حولها يجب أن تقول بمنتهى الصراحة "كفى"

بجدددددد كفـــــــآيه

انا من اول سطرين عمال اقول كفايه كدب

اموت واعرف جبتى الكلام دا منين على نفسك

بس هو نسى حاجا على فكره

انه يشكر بتاع الفول والطعميه الى بتشترى منه

ودا عشان انتى بتاكلى من المطعم دا

رووكه



وبكدا بتخلص حلقه النهاردة

ماتقلقوش لسه

الى جاى احلا




ماتنسوش تسمعو دى