[العاشق الذى لم يتب]

سلامْ يتهادى عبق يآسمَينه ليدثر آروُاحكمْ بالرضآ والآطمئنآنْ صباحاتكم ومسائاتكم معطره بإذن الله بنقاء آرواحكم أفراح وليالى ملاح السلام عليكم ورحمة الله وبركاته ومن آياته أن خلق لكم من أنغسكم أزواجا لتسكنوا إليها وجعل بينكم مودة ورحمة ذاك قول الله جلا وعلا ويقول سيدالبشرصلوات ربى عليه وسلامه (تناكحوا تناسلوا فإنى مباهٍ بكم الأمم يوم القيامة) مشروع زواج هو برنامج اسبوعى أردت من خلاله مناقشة الأعضاء لكى نتعرف على الجوانب المضيئة فى هذا المشروع والذى هو مشروع حيوى وماأظن أحدا فى الدنيا إلا وفكرأن يتاجرفيه وهذه التجارة كثيرا ماتكون رابحة ومرات تكون خاسرة ومع ضيوفى الأعزاء نناقش سويا متى تكون التجارة رابحة ومتى تكون خاسرة ومع سابع حلقات البرنانج يسعدنى ويشرفنى تكون ضيفة الحلقة الليلة هى DR.SMA مشرفة قسم بقلم الأعضاء س ــ الزواج هو حلم كل فتاة وشاب وهو أمر من الله ورسوله وبه تكون الحياة فماذا تنظرى لهذا المشروع من وجهة نظرك؟ تكوين أسره من اهم الأشياء في الحياه وانا أظن اني مشوفتش حد بيحب البيت ولا بيقدس الحياه الزوجيه بالشكل الي انا بشوفه بيه لكن اهم حاجه يكون الإختيار في محله لان على اساس الاختيار هيكون مشروع الزواج اما جنه مدى الحياه او نار مدى الحياه س ــ غلاء المعيشة وظروف الشاباب المادية ساهمت فى عزوف الشباب عن الزواج فكيف التغلب على مشكلة العزوف هذه؟ هو صعب بصراحه نتغلب على الظروف دي في الوقت الحالي للأسف منهج المصريين العقيم في الزواج خلى الأمور صعبه جدا وتشديدهم على الشقه الكالمه من كله والعفش بالشكل الفلاني والشبكه ده غير الاجهزه والحجات بتاعت المطبخ تحس ان الواحد عشان يتجوز محتاج ثروه وشباب كتير مش هيكون قادر على ده في الظروف الاقتصاديه الحاليه وده طبعا بيعمل مشاكل كبيره وبيشكل خطر كبير على المجتمع س ــ هل الحالة المادية وحدها هى السبب فى تأخرزواج الفتايات والشباب؟ اه اظن بس الحاله الماديه لان التعليم والشغل والحجات دي مش عائق أبدا طالما الماديات متوفره س ــ هل غلاء المهور وتعنت أسرة الفتاة وغلوهم فى طلبات زائدة ساهم فى تفاخم وتأخيرمشروع الزواج؟ طبعا ويمكن ده العامل الأساسي في تأخر سن الزواج مش زي زمان كانت الواحده بتتجوز في اوضه مع حماتها والشغل القديم ده كانت الحياه ابسط واسهل لكن ده مينفعش دلوقتي اكيد الماديات لازم تتحسن والاهل يبسطوا الامور شويه س ــ هناك أسر حينمايتقدم لطبة أبنتهم أحد الشباب يرفضوه بحجة أن نسبه ومنصبه لايساوى حسبهم فهل هذا حق شرعة لهذه الاسر؟ هو التكافؤ مطلوب لكن بنسب معينه وبعدين التكافؤ له جوانب كتير يعني تكافؤ اخلاقي وديني اولا وتكافؤ مادي الى حد ما وبردو يكون في تكافؤ في الثقافه الثقافه مش الشهاده لان الشهاده مش مقياس ابدا يعني طالما الطرفين هيقدرو يتفاهمو ويتعاملو مع بعض والماديات مناسبه الى حد ما خلاص .. س ــ لو تقدم شاب ومحصلته التعليمية أقل من الفتاة ولكن لديه القدرة المادية والمعيشية تفتكرى من حق الفتاة أن ترفضه؟ انا قولت من شويه يكون في تكافؤ في الثقافه والتفكير مش الشهاده لان الشهاده مش مقياس ياما ناس واخدين شهادات عاليه وتحسهم مش فاهمين حاجه والعكس طبعا اهم حاجه الفكر والثقافه .. طريقه التفكير س ــ كثيرا مانسمع ونرى قصة حب بين فتاة وشاب وعند مجيئ هذا الشاب لأهل الفتاة يرفضوه عقابالجرمه فماوجهة نظرك فى تلك الحالة؟ تخلف انا ضد الوضع ده تماما الحب لازم يكون اخره الجواز حتى لو قدر الله والعلاقه بعد كده مش نجحت النجاح المطلوب او مكنتش على القدر المتوقع فـ أكيد ليها مميزات تانيه احسن كتير من انه يترفض يفضلو طول عمرهم في حزن على بعض طبعا ده لو كان حب حقيقي مش نزوه وخلاص .. س ــ وسائل التواصل الحديثة ساعدت وسهلة بعض الأموروالمزيد من تقاب الشباب والفتايات فماذا تقننى هذه المعرفة وماسلبياتها وإجابياتها؟ تقصد الارتباط عن طريق الوسائل دي يعني !! بص هي سلبياتها وايجابياتها مشابهه للواقع يعني معرضه للفشل والنجاح معرضه للخيانه وللكذب معرضه لأمور الحياه العاديه يعني زيها زي الواقع س كثيرا مانسمع عن خطبة وطلب زواج عن طريق هذه الإتصالات كيف ترى ذلك وهل توافقى لو تقدم لخطبتك عريس عن تلك الطرق؟ اه عادي اوافق م انا قولتلك بقى زيها زي الواقع بس انا اجوزت خلاص من زمان بس المبدأ مش عندي مشكله فيه عادي النت دلوقتي زيه زي الحياه العاديه زماله في الشغل او الكليه زيها زي زماله في منتدى او فيس او غيره نفس الفكره .. س ــ الشكوى من العناس وتزايده فى الفترة الأخيرة تفتكرى ماهو السبب الحقيقى وراء تلك الظاهرة؟ الحاله الماديه للشعب من الطرفين .. س ــ كثرت المشاكل الزوجية ووصلت لكثيرمن حالات الطلاق المبكر هل لديك معلومات أو مبررات لهذه الحالة وماهول الحل من وجهة نظرك؟ للأسف نسبه الطلاق زادت كتير بس بردو للأسف مجتمعنا لسه زي ما هو في طريقه تعامله مع المطلقه على انها مذنبه من الدرجه الأولى ودي حاجه تخنق جدا السبب في حاجه زي كده هو سوء الاختيار من الاساس وان الناس بتختار على اساس مادي فقط لا توافق فكري ولا دين ولا اصل ولا الكلام ده كله وده بيخلي الحياه زي البنك كده البنك في ازمه يبقى ملوش لزمه بقت القدسيه بتاعت الحياه مش موجوده ورابط الود والرحمه قل عن زمان كتير او انعدم ســ بعد تمام الزواج تكتشف الفتاة أن زوجها عكس مانت تراه قبل الزواج سواء حالته المادية أو التعاملية ماذا سيكون تصرفك لوكنت أنت فى هذه الحالة؟ مش عارفه لو كانت تغيرات بسيطه وعاديه من واقع الحياه والايام فده عادي الدنيا والظروف بتغير الانسان وبتاخده كتير لكن مش بتغير مبادئه يعني طالما المبدأ ثابت خلاص س هناك بعض الفتايات ترفض التعاون مع زوجها فى مناحى الحياة الزوجية منها المادية وأهمهارفضها للإنجاب بحجة جمالها ومظهرها إيه رأيك فى كده؟ لا صعبه دي اي بنت نفسها تكون ام نادر جدا لما تلاقي واحده رافضه الانجاب عشان جمالها والكلام ده اما التعاون المادي ف دي حجات بيتفقوا عليها سوى يعني هي لو ليها مجال شغل مناسب ومش هيأثر على البيت فـ مفيش مانع .. س ــ مشكلة الحماوات وكثيرا مانرى الزوجة تترك بيتزوجها بسبب والدته فهل هذه تمثل مشكلة حقيقية؟ اه عند ناس كتير بتسبب مشكله غيره الأم على إبنها بتحرمه من سعاده بيته للأسف وكتير من الأمهات مش عارفين ده وغيرتهم بتكون عمياهم .. س ــ الزوج والذى يكون دائما منصف لأهله على حساب زوجته كيف ترى ذلك التصرف؟ غلط طبعا لازم يكون كل طرف عارف حدوده في التعامل مع الطرف الآخر لا ده يجي على ده ولا العكس كل جانب وليه مكانه مينفعش الام تيجي على الزوجه ولا الزوجه تيجي على الام عشان الحياه تكون هاديه وسعيده وده دور الزوج اولا لانه لو عرف كل واحد مساحته وحدوده من الاول مش هيحصل مشاكل او على الاقل هتقل كتير . س ــ على الجانب الآخر أم الزوجة توصى بنتها بأن تكون قوية أمام زوجها ولاتستسلم له بسهولة تفتكرى هذا التصرف سليم أم ماذا؟ مفيش جاحه اسمها تستسلم ولا متستسلمش هي حرب دي زي ما بيقولو كده مركب واحده مينفعش تكون الحياه في البيت يا انا يا هو لازم كون احنا لإن دي الحقيقه بيت الزوجيه بيت مشترك واي حاجه فيه يتأثر على كل الاطراف سوى الزوج وزوجته حاجه واحده والتفاهم والهدوء بيحلو كل حاجه .. س ــ ماهو مشروع الزواج الناجح بين المتزوجين حديثا وماهى مقوماته من وجهة نظرك؟ الدين اولا والتكافؤ ليس اكثر س ـــ فتايات كتيرة بتوافق على العريس اللى أكبرمنهاسنا لظروف متعددة هل هذا يعنى جريمة فى حقها ولامافيش مشكلة؟ عادي مش فيها مشكله اوي يعني كل واحده وظروفها بس بردو فرق السن الكبير اوي مش بيكون لطيف يعني تحسهم كل واحد من جيل وكل واحد بدماغ فصعب يتفاهموا س ـــ عندماتوافق الفتاة على قبول الزواج من زوج متزوج بأخرى فهل تصرفها ده معيب ولا يكون حل لبعض مشاكل ربما تأخرسنها أو قبولها بسبب علاقة عاطفية بينهم؟ بص انا الموضوع ده بالزات بالنسبه ليا مرفوض تماما تحت اي سبب من الأسباب لكن بردو نرجع نقول الله اعلم بالظروف ويارب محدش يتحط في الموقف ده سواء الزوجه الأولى او البنت التانيه دي صعبه على كل النواحي بصراحه ربنا يعافينا جميعا .. س ــ ماهو فتى أحلامك وماهى الصفات التى تريدنها فيه؟ ههههههههههههههه بص انا مجوزه بقالي سنه اهوه وشهر بالظبط النهارده س ــ ماذا تنصحين كل فتاة مقدمة على الزواج؟ تختار صح واساس حياتهم يكون الدين والاحترام لان كل حاجه بعد كده بتعدي لا الدين والاحترام بينهم .. وشكرا لك سما شرفنى اللقاءمعك فى البرنامج وأشكرلك حسن التعاون واللإفادة والتى وجدتها هنا من خلال إجاباتك وفقك الله دوما مين نورهان دي انا سما دى كانت فى المحظة اللى قبلك الشكرلك سما لتكرمك وتشريفك البرنامج أتمنى لك كل التوفيق والسعادة أحبتى فى الله أنتهت حلقة اليوم مع ضيفتى الكريمة سمارة أنتظرونى وحلقة جديدة قادمة وحتى ذلك الحين أستودعكم من لاتضيع ودائعه مع تحيات أخوكم رفعت [/COLOR]

[flash=http://www.ro-ehsas.net/uploads/13914362691.swf]WIDTH=0 HEIGHT=0[/flash[/QUOTE][/QUOTE]