[دمعه حائره]

أهلا وسهلا بأعضاء منتدى بنات مصر وعودة بعد غياب وبرنامج اجدد عضو ومعانا النهاردة عضوة جديدة ونشيطه اتميزت بالمتابعه والردود الجميله وموهبتها المميزة ندى المهندس عضو مشارك اهلا وسهلا بيكى نورتى المنتدى والبرنامج ماشاء الله واضح النشاط وردودك المميزة حابين نتعرف عليكى اكتر ونتشرف بوجودك معانا اسمك ندى واضح من النيم اهلا بيكى وبكل اعضاء المنتدى انا ندى المهندس سنك؟ بعد 5 أشهر اتم 25 محل الاقامه والبلد؟ دمباط الحاله الاجتماعيه؟ أرمله عندك اخوات قد ايه؟ انا بنت وحيده ل 3 اولاد الحكمه المفضله عندك؟ عامل الناس كما تحب أن يعاملوك اتعرفتى على المنتدى ازاى؟ صدفه عن طريق الفيس عجبنى اسم بنات مصر شدنى وسجلت فيه سجلتى على طول ولافضلتى زائرة فتره؟ معرف يعنى ايه زائره انا سجلت على طول يعنى تتصفحى المنتدى قبل ماتسجلى عضويه لقيتى ترحيب من الاعضاء لما سجلتى؟ صراحه يعنى معقول الموجود رحب بى مشكورا هواياتك ايه وياريت تكتبى جزء منها انا مدرسه رياضيات احب مهنتى كمعلمه والطبيخ احب جدا المطبخ يعنى تقدرى تقولى بيتويه برغم انى موظفه ايه اكتر قسم عجبك فى المنتدى؟ بصراحه انا تقريبا دخلت كل الاقسام بحاول اتعرف على كل الاقسام والاعضاء والمشرفين ومعظمها عجبنى وخاصة اقسام حواء والرياضه ياترى قابلتك اى صعوبه فى استخدام خواص المنتدى؟ انا اول مره اسجل فى منتدى يعنى اى صلاحيات بحب اعرفها بسأل وتقريبا عرفت كتير والشكر يرجع لبعض الاعضاء الى ساعدونى مشكورين مثل كييفيه رفع التوقيع لفت نظرى التوقيع بتاعك ياترى ايه حكايته؟ حكايته انى اتحرمت من جوزى على يد غادر معدوم الضمير وحطمنى وكسرنى باقى عمرى حسبيى الله ونعم الوكيل الله يرحمة ويسكنة فسيح جناتة شوفت ليكى خاطره جميله وكلها احساس من امته بتكتبى خواطر؟ هاتصدقى لو قلت لكى عمرى ما كتبت ولكن ماعانيته كسرنى لاقيت جوايا صرخه حزن ونزف جرح لاقيتنى بكتب وانا ببكى كل خاطره كتبتها كانت دموعى بتسبق قلمى سجلت كل ده بالمدونه لاقيت رساله من بعض الاصدقاء بيقولى نزلى الخواطر فى الاقسام الادبيه رحت منزلاها والحمد لله لاقت تشجيع كبير ماشاء موهوبه بجد وياريت تستمرى وهل بتكتبى مقالات ومواضيع نقاشيه ولااشعار بس؟ كتبت بعد الحادث كتير على الفيس مقالات ومواقف بينى وبين زوجى كتير كونتى صداقات ولالسه؟ بصراحه بعض الاعضاء ارسلو رسايل تواسنى ومن كل قلبى بشكرهم على لمستهم الرقيقه الى حسستنى بجد ان فيه ناس لسه عندها قلب وبتحس بألام البشر بتحبى المسابقات وهل شاركتى فيها؟ ممكن اشارك لكن صراحه لسه ايه رايك فى تعامل المشرفين والاداره مع الاعضاء؟ لحد دالوقتى فيه روح حلوه لمستها بين المشرفين والاعضاء وكمان الاداره متابعه جيده يعنى وانا برفع التوقيع ماعرفت وكتبت حد يساعدنى فجأه لاقيت الماجيك دخل وعدله وشغله بدون ما اطلب بشكره كتير لاحترامه وزوقه هل واجهتك اى مشكله مع اعضاء هنا؟ لا الكل هنا ناس طيبه وتعاملهم حلو وردودهم بدل على روح الحب الموجوده تحبى تضيفى اى اقتراح لتطوير المنتدى؟ من خلال دخولى كل الاقسام بحس ان فيه اقسام مفيش فيها نشاط الردود بسيطه ومواضيع كتيره مفيش ردود عليها الا منايا فقط الى ردت عليها هل فيه قسم شايفه انه مالوش فايدة؟ كل الاقسام مطلوبه بس فيها مُهمل شويه ان شاء الله نحاول ندخلها ونشطها ايه رايك فى فكره تغيير الاستايل واشراك الاعضاء فى اختياره؟ بصراحه روح الديمقراطيه هى اساس نجاح اى عمل وانا شايفه ان فكرة اشتراك الاعضاء فى الاختيار رأى موفق بشكرك على قبول الدعوة واتمنالك التوفيق دايما وان شاء الله تستمرى معانا اشكرك من كل قلبى على استضافتى وبشكر كل الى ساعدونى وبقلوبهم واسونى لكم من كل قلبى خالص احترامى وبكده تنتهى حلقتنا النهاردة مع ندى بشكركم على المتابعة وانتظرونى وحلقه جديدة مع عضو جديد