[دمعه حائره]

السلام عليكم احلى اعضاء لأجمل منتدى وكل سنه وانتم طيبين سنه فاتت وخدت معاها حلوها ومرها لينا فيها ذكريات مش سهل تتنسي حققنا حاجات وطموح ياما حلمنا بيها ولسه قدامنا السنه الجديدة نحلم ونحقق اكتر من اللى نفسنا فيه فاتت سنه وكانت طويلة وكتير شافوها كانت كئيبه وحزينه دوام الحال من المحال ولازم نتعلم من كل تجربه بنمر بيها ونعتبرلها رساله من ربنا عشان نتعظ وناخد بالنا من اللى جاى مع الساعات الاولى لسنه 2015 ضرورى نتجمع كلنا ونبعت لبعض التهنئه نثبت اننا لسه متمسكين بالمكان والصداقة والاخوة اللى جمعتنا تاريخ كبير لكل واحد فينا واثر اكيد واضح من اللى قدمة للمنتدى كل واحد فينا ليه بصمة حتى لو بسيطه بس مع بعض بانت النتيجة الجميله رسايل حب وتقدير هانقدمها لبعض النهاردة ونثبت بيها وجودنا واننا لسه فى منتدى بنات مصر وندعو ربنا يارب هذه سنة جديدة فأسألك فيها العصمة من الشيطان والقوة على هذه النفس الأمارة بالسوء والإشتغال بما يقربني إليك يا كريم ويارب كل السلامة لمصر بلدنا ولكل العالم العربى اتمنى كلنا نشارك ونبعت رسايل جماعيه او فرديه من اى نوع يكون هدفها الحب ومضمونها المودة والاخوة نفتح بيها صفحة جديدة بيضاء لسنه اتمنى تحمل كل الخير لينا هاستنى المشاركة منكم كلكم غير كده هازعل وانا زعلى وحش اوى