[big bốss]

صباح الخير

كتبت موضوع النهارده فى الاقلام عن حب الاستطلاع ففكرنى بموقف

حصل معايا انا و صغير

بسبب حب الاستطلاع دا عملت قفله فى البيت بتاعنا

كنت قاعد انا و اخويا الصغير بندور فى الحاجات القديمه

لقيت ترنزوستر بتاع مسجل زى دا كدا





قعدت اقول ازى بيشتغل ؟

ازاى بيطلع صوت ؟

عملت زى ام كلثوم بقيت اقول ازاى ازاى ازى اوصفلك يا حبيبى ازاى

شكلى كنت عايز اطلع كهربائى انا و صغير

المهم جبت فيشة كهرباء و ربط السلكتين فى الترنزوستر دا و قلت لما اشوف

بيشتغل ازاى ؟

روحت اديته اخويا الصغير و قلتله حطه فى الفيشه

و انا روحت استخبيت

و فعلآ حطه و بمجرد ما حطه الترنزوستر فرقع و شاط دخان و عمل صوت فرقعه

و البيت حصل فيه قفله و اخويا اتخض

و امى جات بقا خد يا مزخود فى قلبك ترخ ترخ

و هو يقول دا هو الى قالى يا ماما حطها فى الكهرباء

و انا اقول لا دا كداب دا هو الى بيلعب فى الكهرباء

المهم حب الاستطلاع خلانا أخدنا علقه سخنه

بس الحمد الله جات سليمه